Amir Syamsuddin
| Amir Syamsuddin | |
|---|---|
 | |
| Mantri Hukum dan Hak Asasi Manusia Républik Indonésia 28 | |
| Wiwit linggih 19 Oktober 2011 | |
| Présidhèn | Susilo Bambang Yudhoyono |
| Kang sadurungé | Patrialis Akbar |
| Rerincèn dhiri | |
| Lair | Mèi 27, 1946 Makasar, Sulawesi Selatan, Indonésia |
| Bangsa | Indonésia |
| Parté pulitik | Parté Dhémokrat |
| Agama | Islam |
Amir Syamsuddin ingkang miyos wonten ing Makasar tanggal 27 Mèi 1946 ingkang miyos kanthi nama Freddy Tan Toan Sin [1] inggih punika Mantri Hukum lan HAM Indonésia wonten ing Kabinet Indonésia Bersatu II nggantosaken Patrialis Akbar[2]. Piyambakipun miwiti pakaryan dados pengacara kanthi dados staf magang wonten ing Kantor Pengacara OC Kaligis ing taun 1979. Lajeng, ing taun 1983, piyambakipun madegaken Amir Syammsuddin Law Offices and Partners ingkang kalajengaken ugi dados ingkang ndhirikaken firma Acemark ingkang mirunggan ngurusi Hak Kekayaan Intelektual.[3]
Biografi
besutAmir Syamsuddin nelasaken wekdal alitipun nganos sekolah SMP wonten ing Makasar. Lajeng piyambakipun ngranto dhateng Surabaya kanggé nerasaken sekolahipun ing tingkat SMA. Wiwit piyambakipun mlebet kelas satunggal SMA ing Surabaya, piyambakipun sampun makarya lan asring gontas-gantos padamelan. Amir Syamsuddin naté dados juru cithak foto wonten ing kamar peteng, lajeng pindhah makarya wonten ing pabrik roti. Sedaya punika dipuntindakaken kanthi ancas supados saged pikantuk dalan ingkang langkung saé ing tembénipun. Ing taun 1965, Amir Syamsuddin lajeng pindhah dhateng Jakarta. Amargi piyambakipun remen kaliyan babagan mesin, mila piyambakipun nyambut damel wonten ing salah satunggaling bengkel ing Jakarta, ingkang saking asiling padamelanipun lajeng dipun-ginakaken kanggé mbikak bengkel piyambak. Kanthi tetep nyambut damel, piyambakipun lajeng ndhaptaraken sekolah wonten ing Fakultas Hukum Universitas Indonésia ing taun 1978. Amir Syamsuddin lajeng nerasaken sekolahipun wonten ing pendhidhikan program S2 wonten ing Fakultas Hukum Pascasarjna Universitas Indonésia. Sasampunipun pikantuk cekap arta, lajeng Amir Syamsuddin mbika kantor hukum piyambak ing taun 1983. Amir Syamsuddin ingkang remen kaliyan pola pamikiripun Mohammad Hatta punika wiwit ngrembakakaken kantor hukumipun piyambak. Prinsip-prinsip koperasi dipuncakaken ugi wonten ing manajemen kantor hukumipun. Kawicaksanan punika lajeng damel karyawanipun ngraos gadhah tanggel jawab kanth isesarengan ngrembakakaken kantor hukumipun wau. Sekedhik saking sakedhik anangeng pesthi, Amir Syamsuddin & Partners saged langkung ngrembaka.[4] Gayut kaliyan padamelanipun ingkang dados pengacara, Amir Syamsuddin sampun kathah ngrampungaken kasus-kasus ageng ingkang nglibataken médhia kados ta, kasus Tempo (1986), Bapindo (1993), Suara Pembaruan (1999), Zarima, Akbar Tanjung (2003), Harnoko Dewantoro, Beddu Amang, KPKPN (2003), VLCC dengan Pertamina dan KPP, dan perselisihan Texmaco dan Kompas (2003) lan William Nessen (2003). Kajawi dados pengacara, Amir Syamsuddin uga sampun naté dados Advokat ing taun 1983, lajeng dados Ketua Dewan Penasehat Parté Dhémokrat (2011), lan sapunika dados Mantri Hukum dan HAM (2011).[5]
Kulawarga
besutAmir Syamsuddin inggih miyos saking pasangan Nazaruddin Dg Mamangung kaliyan Ibunipun, Andi Bulaeng Dg Nipati. Déné saking asiling perkawinan piyambakipun pinaringan 7 putra inggih punika Amiruddin Syam Syamsuddin, Didi Irawadi Syamsuddin, Teddy Taufik Syamsuddin, Ade Ratih Syamsuddin, Ade Yasmine Syamsuddin, J. Indra Syamsuddin, lan J. Karina Syamsuddin
| Kalungguhan pulitik | ||
|---|---|---|
| Didhisiki déning: Patrialis Akbar |
{{{jabatan}}} 19 Oktober 2011 – sekarang |
Diganti déning: Masih menjabat |
Cathetan suku
besut- ↑ Kaligis: Sebaiknya Amir Syamsudin Maju dalam Pilpres Archived 2012-06-08 at the Wayback Machine. (dipunundhuh tanggal 1 Pebruari 2013)
- ↑ "Amir Syamsuddin Gantikan Patrialis Akbar". Diarsip saka sing asli ing 2011-10-21. Dibukak ing 2013-02-01.
- ↑ "Amir Syamsuddin" (HTML). Dibukak ing 2012-07-18.[pranala mati permanèn]
- ↑ Biografi(dipunundhuh tanggal 1 Pebruari 2013)
- ↑ Syamsudin S.H., M.H.[pranala mati permanèn] (dipunundhuh tanggal 1 Pebruari 2013)