Ang Zhen

Ang Zhen, (Frits Hong, Woworuntu), Ph.D

Biografi

Anak kapindho sangka tunggal papat iki lair ing Sangir Talaud, Sulawesi Lor, taun 1942. Bapaké Ang iku lulusan Universitas Chi Nan. Bapak lan ibuké makarya minangka dwija ing Hoa Chiao Chung Hsueh ing Manado. Wektu ciliké, dhèwèké kerep pidhah sekolah amarga kudu ndhèrèkaké bapaké kang kudu alihan papan makaryané. Ang tau ngangsu kawruh ing Yu Chai Hsie Hsiao ing Manado. Sabanjuré, dhèwèké pindhah maring Mei Hoa ing Blitar. Dhèwèké uga tau sekolah ing Surabaya, yaiku ing Min Kuang lan Lien Chung tumeka sekolahan iku kukut ing warsa 1958. Dhèwèké banjur bacutaké sekolahé ing SMA Advent ing Bandung. Lulus SMA, dhèwèké lumebu Universitas Advent kanthi jupuk jurusan Akuntansi. Ing taun 1963, dhéwéké lulus sangka universitas kono.

Karier

Ing taun 1970 tumeka taun 1972, Ang makarya minangka dhirèktur Bank Rahardja Makmur ing Palémbang. Sakbanjuré, dhèwèké makarya ing Bank Panin cawang Medan wiwit taun 1972 tumeka taun 1975. 13 taun sabanjuré yaiku taun 1985, Ang pindhah maring Los Angeles, Amérika Sarékat. Dhèwèké jupuk kursus manajemen lan perpajekan saha kasil nggayuh gelar Ph.D saka Universitas Washington, Séatle. Dhèwèké bisa ngareksa disèrtasiné kanthi irah-irahan "Comparation between Citibank and Bank of America's Profit and Loss Analysis in Details".

Saiki, dhèwèké lenggah ing Los Angeles kanthi nglakokaké pirang-pirang usaha, ing antarané yaiku penginepan Duarte Inn. Dhéwéké uga makarya minangka pambabar èksekutif majalah Indonesia Mèdia bareng karo drg. Ibrahim Irawan (putrané dr. Ie Woen Fuk).

Dhéwéké nyepeng pirang-pirang jabatan sosial, ing antarané yaiku minangka Prèsiden Indonesian Chinese Association, panaséhat anggota Kongrès Amerika distrik No. 41 sangka Partai Démokrat, panaséhat Rowland Height Chinese Association, panaséhat Hokkien Association California kidul, lan anggota East North Chinese Association.

Dhéwéké ngupia kanggo merjuangaké panegakan HAM kanggo kalangan Tionghoa ing Indonésia. Utamané, ngenani prastawa karusuhan Méi 1998 kanthi nganakaké lobi ing Kongrès Amerika. Dhéwéké iku titah kang prasaja senajan merkoléh bebungah sangka PBB ing babagan penanganan kanggo pengungsi korban kerusuhan Méi 1998.

Ringkesan karier:

• 1970-1972 (Dirèktur Bank Rahardja Makmur, Palémbang)
• 1972-1975 (Bank Panin, Medan)
• 1985-saiki (Los Angeles, Amérika Serikat)