Annie (filem)
Annie ya iku filem sandiwara komedhi musikal kang digawé déning Village Roadshow Pictures lan Overbrook Entertainment kang dibabar taun 2014. Filem iki disutradarani Will Gluck, dhedhasar skénario anggitané Will Gluck lan Aline Brosh McKenna. Para juru paraga kang main ing filem iki antarané Jamie Foxx, Quvenzhane Wallis, Rose Byrne, Bobby Cannavale, Adewale Akinnuoye-Agbaje, David Zayas, Cameron Diaz, Dorian Missick, lan Tracie Thoms. Annie iku filem gawéan ambalan saka filem musikal sadurungé kanthi sesirang kang padha, dibabar ing taun 1982 déning Columbia Pictures.[1][2][3][4][5][6]
| Annie | |
|---|---|
 | |
| Disutradarani | Will Gluck |
| Diprodhuseri | Will Smith, Jada Pinkett Smith, Shawn “Jay-Z” Carter, Caleeb Pinkett, James Lassiter, Lawrence “Jay” Brown, Tyran “Ty Ty” Smith |
| Ditulis déning | Will Gluck, Aline Brosh McKenna |
| Dibintangi | Jamie Foxx, Quvenzhane Wallis, Rose Byrne, Bobby Cannavale, Adewale Akinnuoye-Agbaje, David Zayas, Cameron Diaz, Dorian Missick, Tracie Thoms |
| Dimusiki | Charles Strouse |
| Sinématografi | Michael Grady |
| Dibesut déning | Tia Nolan |
Perusahaan prodhuksi | Village Roadshow Pictures, Overbrook Entertainment |
| Dibabar déning | Columbia Pictures |
Tanggal metu | 19 Dhésèmber 2014 |
Suwéné | 129 menit |
| Nagara | Amérikah Sarékat |
| Basa | Inggris |
| Rantaman | US $ 65 juta |
Latar wuri
besutAnnie iku filem drama komedhi musikal kang nyritakaké babagan bocah wadon cilik kang suméh, jenengé Annie (Quvenzhane Wallis). Sanadyan dhèwèké iku yatim piyatu kawit bayi mula sawisé wong tuwané sakloron séda, Annie tetep bisa nglakoni urip tentrem ing panti asuhan. Malahan, sanadyan ibu kang ngemunah panti asuhan, Miss Hannigan (Cameron Diaz) misuwur minangka wong kang galak, dhèwèké tetep ngatonaké kapribadhénè kang suméh saben dinané. Annie dhéwé tansah pracaya yèn wong tuwané sakloron isih urip lan bakal netepi janji bakal nggawa mulih ing omahé. Nanging, saben dina dhèwèké ora naté weruh wong tuwané nemoni dhèwèké. Amarga sajatiné ya pancèn wis séda nalika ana tragédhi kobongan. Sanadyan ngono, Annie tetep bisa nglakoni uripé bebaréngan karo kanca-kancané ing panti asuhan, sinambi nyanyi lagu-lagu kang bisa nglipur kanggo kanca-kancané. Sawijining dina, tanpa sengaja dhèwèké ketemu karo salah sijiné pulitikus, Will Stacks (Jamie Foxx) kang lagi nyalonaké dadi walikota ing Kutha New York. Dumadakan tuwuh ing pikirané saka penasihat kampanyené, Grace (Rose Byrne) lan pacangane kang licik lan urik, Guy (Bobby Cannavale) kanggo ngajak Annie ing saben kampanyé kang ditindakkè déning Will. Wil lan sakancané nggunakaké Annie minangka piranti kampanyé kanggo narik sengkuyungan saka bebrayan. Will sabanjuré ngajak Annie supaya gelem manggon ing omahé. Wiwitané dhèwèké pracaya bakal nylametaké Annie. Nanging, suwé-suwé kapribadhèné Annie kang apik agawé kaanan sansaya kuwalik. Sesambungan ing antarané sakloroné sansaya raket. Jebulé Miss Hannigan ora ngejarké kaanan dadi kaya mangkono. Jalaran ana wong liya kang duwé gegayuhan péngin ngepèk Annie dadi anaké, amrih bisa nampa dhuwit.
Uga delengen
besutRujukan
besut- ↑ "Sinopsis film bioskop: Annie". Diarsip saka sing asli ing 2016-01-29. Dibukak ing 2017-04-25.
- ↑ Wow Keren: Annie
- ↑ "Jadwal film bioskop 21: Annie". Diarsip saka sing asli ing 2015-07-22. Dibukak ing 2017-04-25.
- ↑ "Jadwal XXI: Annie". Diarsip saka sing asli ing 2015-05-06. Dibukak ing 2017-04-25.
- ↑ "Bahas Film: Annie". Diarsip saka sing asli ing 2015-07-22. Dibukak ing 2017-04-25.
- ↑ Love Heaven: Annie
 | Artikel filem iki minangka artikel rintisan. Kowé bisa ngéwangi Wikipédia ngembangaké. |