Arsitèktur Azerbaijan

Arsitèktur Azerbaijan iku arsitèktur sing dikembangaké ing Azerbaijan lan lumrahé dadi kombinasi antara unsur Kulon lan Wétan. Akèh bangunan lawas kaya ta menara Qız Qalası lan Kadhaton Sirwansah sajroning baluwreti kutha Baku iku isih lestari ing nagara Azerbaijan modèren. Arsitèktur abad tengahan sing isih lestari lan ngwakili pangaribawa sawatara sekolah sing béda-béda yakuwi saliyané Kadhaton Sirwansah, Kadhataon Saki Khan ing Shaki, Azerbaijan lor-tengah, Candhi Surakhany ing Tanjung Apsheron, sawatara kreteg sadhuwuring Kali Aras, lan sawatara mausoléum. Ing abad ping 19 lan 20 ora akèh arsitèktur monumèntal sing kabangun, senadyan mengkono akèh gedhong omah sing kabangun ing Baku lan kutha liyané. Antara arsitèktur monumèntal sing luwih mutakir, Métro Baku iku misuwur déné paésané sing royal.

Pangrencanan lan aktivitas arsitèktur diawasi déning Komisi Nagara Pambangunan Kutha lan Arsitèktur Républik Azerbaijan.