Kali Aras
Kali Aras (uga dikenal minangka Araks, Arax, Araxi, Araxes, Araz, utawa Yeraskh; Armèni: Արաքս, Pèrsi: ارس, Basa Turki: Aras, Basa Azéri: Araz, Kurdhi: Aras or Araz; Rusia: Аракс) iku sawijining kali kang dumunung ing nagara-nagara Turki, Armenia, Iran, lan Azerbaijan. Dawané kali watara 1,072 kilomèter (665 mil). Amarga dawané lan tlatah ilèn kang jembaré 102,000 km², kali iki minangka salah siji kang gedhé dhéwé ing tlatah Kaukasus.
| Kali Aras | |
|---|---|
 | |
| Kapernah | |
| Kahanan fisik | |
| Pungkasané | Kali Kura |
⁃ dhuwuré | N/A |
| Dawané | 1,072 kilomèter (665 mil) |
Ilèné kali
besutKali Aras miwiti saka tlatah cedhak Erzurum, Turki. Kali iki ketemu karo Kali Akhurian ing kidul-wétan Digor, mili sadawaning tapel wates Turki-Armenia, banjur mili sadawaning tapel wates antara Iran lan Nakhichevan sarta wates antara Iran-Armenia. Kali iki sabanjuré mili menyang tapel wates Iran lan Azerbaijan, banjur lumebu Azerbaijan lan gabung karo Kali Kura ing désa Sabirabad. Sawisé iku kali iki tumuju Sagara Kaspia. Watara 101,937 km² tlatah ilèn kali iki dumunung ana ing Azerbaijan.
Zangmar, Sariso, Kali Ghotour, Kali Hajilar, Kali Kalibar, Kali Ilghena, Kali Darreh lan Kali Balha minangka anak-anak kali kang utama saka arah kiwa (tengen). Ing Turki Kali Ghareso mili ing sisih kiwa. Kali Akhurian, Metsamor, Hrazdan, Azat, Vedi, Arpa, Vorotan, Voghdji lan Kali Megri gabung saka Armenian sisih lor (kiwa). Kali Khachin, Kali Okhchi, Kali Kuri lan Kali Kandlan gabung saka Azerbaijan sisih lor (kiwa).[1]