Cithakan:Infobox TV Channel

Kantor Arte ing Strasbourg

Arte (Association Relative à la Télévision Européenne) minangka sawijining jaringan TV Perancis-Jerman. Ngandharaken dhirinipun minangka sawijining saluran budaya Éropah lan gadhah ancas saperlu mromosikaken kualitas pemrograman mliginipun bab budaya lan seni. Kantoripun dumunung ing Issy-les-Moulineaux caket Paris, Perancis, Strasbourg, Perancis (kantor pusat) lan Baden-Baden wonten ing Jerman.[1]

Amargi minangka usaha sesarengan internasional (sawijining EEIG), programipun nglayani pamriksa saking kekalih nagara. Punika njalari irah-irahan kalih, penerjemahan lan alih swara gandha, migunakaken kekalih basa lan kalih track audio kapisah (namung satunggal ingkang kasamekta ngudhara ing Perancis, anangin satunggal sanèsipun saged dipunpilih wonten ing televisi satelit lan kabel digital).

Arte miwiti pemancaran taun 1992, wonten ing sangandhaping papréntahan sosialis, ngebaki frekuensi ingkang dipuntilaraken déning La Cinq, jaringan televisi komersial basa Perancis pisanan (dipunbentuk taun 1986). Arte sampun slamet saking pamindhahan taun 1993 dhateng papréntahan sayap tengen lan sajumlah èwah - èwahan.

Programipun dipundamel déning Arte France ingkang sadèrèngipun dipunkenal kanthi nama La Sept (La Société d'édition des programmes de télévision, nanging ugi minangka dolanan tembung, dadosaken nama punika ateges jaringan angka 7 lan La Sept jumeneng nalika jaringan angka 5 taksih ingkang nama La Cinq; damel program televisi satelit nalika punika) lan déning ARTE Deutschland GmbH, subsidiari 2 jaringan TV Jerman umum utama ARD lan ZDF.[2]

Wonten ing Perancis, wonten ing giyaran digital, pemrograman kasamekta permanèn (wonten ing kabel digital, satelit digital lan televisi terrestrial digital), nanging wonten ing giyaran analog, mengudara namung nalika sonten, déné France 5 ngoperasikaken frekuensi saben dinten.

Arte langkung populer ing Perancis (saham pasar sakitar 5%) tinimbang Jerman (sakitar 1%), nanging wonten ing Jerman saluran punika ngalami kathah saingan.

Arte ugi samekta wonten ing basa Bèlgi lan Walanda lumantar kabel.

Arte ugi sawijining situs web radio online, dipunsebut Arte Radio.[3]

Australian Special Broadcasting Service nerjemahaken manéka program Arte wonten ing basa Inggris kanggé dipunsiyaraken wonten ing jaringan televisinya lan sebrang laut.

Program besut

Cathetan suku besut

  1. "Archive copy". Diarsip saka sing asli ing 2009-02-07. Dibukak ing 2013-03-12.{{cite web}}: CS1 maint: archived copy as title (link)
  2. http://www.arte.tv arte.tv
  3. http://www.arteradio.com Arte Radio

Pranala njaba besut