Sega kapau: Béda antara owahan

'''Sega Kapau''' ya iku sega rames khas Nagari [[Kapau, Tilatang Kamang, Agam|Kapau]], [[Tilatang Kamang, Agam|Tilatang Kamang]], [[BukittinggiKabupatèn Agam]], [[Sumatra Kulon]] kang isiné [[sega]], [[sambel]], lan lawuh khas gulé cubadak ([[nangka]]), [[gulé]] cangcang ([[balung]] lan [[daging]] [[kebo]]), gulé babek ([[jeroan]] kebo), lan gulé tunjang ([[kulit]] utawa kikil, urat daging kebo lan [[sapi]]).<ref name="satu">[http://www.antaranews.com/view/?i=1208749217&c=ART&s= Nasi Kapau "Nan Mangimbau-imbau"](14 Agustus 2011)</ref> Panganan kang dadi andalan saka Kapau ya iku gulé Kapau kang rasane gurih lan pedhes sarta duduh kanthi warna [[kunir]] kang khas.<ref name="dua">[http://www.cimbuak.net/content/view/1226/6/ Nasi Kapau ing Forum Komunitas Minangkabau Cimbuak net]</ref> Jangan gulé Kapau isiné irisan [[kluwih]], [[bung]], [[kul]], [[pakis]], [[kacang lanjaran]], lan [[jengkol]].<ref name="dua" /> Duduh gule iki ora patiya kenthel jalaran ora nganggo [[santen]] akèh lan wernane kuning semu abang.<ref name="dua" /> Lawuh khas liyané ya iku [[dèndèng]] [[balado]], dèndèng lado [[hijau]], randang, gulé [[iwak]], [[welut]] goreng, ayam goreng, gulé tambunsu,pangek iwak paweh batalua (gule iwak tawes ngendhog kang dimasak nganti garing),lan sapanunggale.<ref name="satu" /><ref name="dua" /> Gulé tambusu ya iku panganan kang digawe saka [[endhog]] kang dilebokake ing [[usus]] sapi utawa kebo.<ref name="satu" /> Beras kanggo sega kapau kudu duwé mutu kang apik, padatan nganggo beras saka Bukittinggi lan [[Kabupatèn Agam]].<ref name="satu" /> Tandha khas sakabehing lawuh kanggo sega kapau ya iku rasané rada kecut jalaran masakke akèh nganggo [[miri]]. Rasa khas masakan Kapau iku saka cara masakke kang nganggo keren utawa anglo utawa tungku lan di''sangai'' (dimasak nganggo tudhung kukus) sajeroning kuwali wesi nganggo [[geni]] cilik.<ref name="satu" /> Cara masak kang kaya mangkene mbutuhake wektu kang dawa.<ref name="satu" />