Wong Kazakh

Wong Kazakh iku salah siji ètnis kang kagolong ing wong Turk kang manggon ing Asia Tengah, lumrahé ing Kazakhstan, nanging uga ana kang urip ing Républik Rakyat Cina sisih kulon ing provinsi Xinjiang. Saliyané iku ètnis iki uga mapan ing Uzbèkistan, Ruslan, lan Mongol.

Etnis Kazakh
қазақтар

A. Qunanbayuli • Ablai Khan • A. Baitursynov • Chokan Valikhanov • A. Baitursynov, A. Bokeikhanov, M. Dulatuli
Gunggung cacah jiwa
kurang luwih 13,800,000
Tlatah mawa cacah jiwa akèh
Kazakhstan	10,098,600
Cina	1,400,000 - 1,500,000
Uzbekistan	800,000 - 1,100,000
Rusia	654,000
Mongolia	140,152
Turkmenistan	40,000 - 90,000
Kirgizstan	33,200
Afganistan	21,000
Turki	19,000-25,000
Jerman	890
Tajikistan	900
Iran	10,000-15,000
Ukraina	5,526
Belarusia	1,239
Basa
Kazakh, Ruslan (lan/utawa basa saenggon)
Agama
Mayoritas Sunni Islam
Golongan ètnik magepokan
Bangsa Turkik liyané

Jaman biyèn ètnis iki urip ing papan wiwit saka Sibèri sisih wétan nganti tekan Sagara Ireng ing sisih kulon, lan saiki punjeré ing Asia Tengah wiwit ètnis Turk lan Turko-Mongol bisa ngrebut papan iku ing abad angka 5 lan angka 13. Manawa nyebut jeneng Kazakh, mesthi kèlingan Kazakhstan. Ètnis Kazakh iki asal-usulé sakaturunan karo suku Kazakhstan ing Asia Tengah.

Cacahé wong Kazakh ing Cina kurang luwih ana 1.250.458 lan manggon ing Xinjiang Uyghur. Ètnis iki duwé panggon otonomi dhéwé, ya iku Prefektur Otonomi Ili Kazak, Mori Kazak Otonom County lan Barkol Kazak Otonomi County. Ana uga wong ètnis Kazakh kang urip ing haixi Mongol amarga kawin karo suku liya. Ana uga kang urip ing Tibet lan Kazak Prefektur Otonomi ing Provinsi Qinghai lan Aksay Kazak Otonom Kabupatèn ing Provinsi Gansu.

Agama kang dianut déning wong suku Kazakh lumrahé agama Islam. Wong-wong suku Kazakh anggoné nganggo klambi katon banget bédané dibandhingaké karo suku liyané. Wong suu Kazakh anggoné nganggo klambi asring nggunakaké cadhar, utawa sorjan saben metu saka omah.