Basa Arab Sisilia
Basa Arab Sisilia (atawa Sisilia Arab) ya iku dialék basa Arab kang dituturnang ning pulo Sisilia lan tanggaé Malta antawis akir abad 9 nganti 12 Maséhi[1]. Basa iki wis cures ning Sisilia, nanging ning pulo Malta basaé dadi ngembang lan sekien karan Basa Malta[2]. Pulo Sisilia wis warna-warna karajan sing mréntah nanging pengaruh Islam lan Norman kang paling akèh ngupai pengaruh[1]. Wong Roman lan Imigran Islam sing Afrika Lor kaya déné Andalusia uga Italia keding teka ning pulo iki nalika jamané Fatimiyah[3][4]. Ning jaman semono wong Arab Muslim ngembangaken peradaban kaya déné agama Islam, pertanian, sekolah, lan pulitik[1]. Nanging akhiré, peradaban Islam Sisilia iki kegeser karo invasi Norman kanggo nyebarnang agama Kristen ning pulo iki. Amarga iku Basa Arab ning pulo Sisilia dumasar sing basa Arab Maghribi atawa Afrika Lor. Arab Sisilia wis ana tinggalané, kaya déné aran papan lan kosa-tembung[1].
| Arab Sisilia | ||
|---|---|---|
| Dituturaké ing | Emirat Sisili | |
| Gunggung panutur | — | |
| Rumpun basa | Cithakan:Infobox Language/genetic2 | |
| Sistem tulisan | Arabic alphabet | |
| Kodhe basa | ||
| ISO 639-1 | None | |
| ISO 639-2 | –
| |
| ISO 639-3 | sqr
| |
|
| ||
Basa Malta
besutSanajan basa Arab Sisilia wis mati lan laka maning, basa iki angger tahan ning Malta lan ana tambahan tembung-tembung sing Basa Sisilia, Basa Italia, Basa Prancis, lan Basa Inggris amarga pengaruh pemréntahan. Ana tembung-tembung Arab Sisilia iku bisa disandingnang karo tembung-tembung ning basa Malta. Basa Sisilia nyerap akèh tembung Arab Sisilia kaya conto cilik ning tabel ngisor iki[5]:
| Basa Malta | Arab Sisilia (ning Sisilia) |
Arab | Basa Jawa Cerbonan |
|---|---|---|---|
| Ġiebja | Gebbia | جب (Jabb) | Tadah banyu |
| Ġunġlien | Giuggiulena | جنجلان (Junjulān) | Wiji wijen |
| Saqqajja | Saia | ساقية (Sāqiyyah) | Selokan |
| Kenur | Tanura | تنور (Tannūr) | Kompor |
| Żaffran | Zaffarana | زعفران (Zaʿfarān) | Kunir |
| Żahra | Zagara | زهرة (Zahrah) | Mekar |
| Żbib | Zibbibbu | زبيب (Zabīb) | Kismis |
| Zokk | Zuccu | ساق (Sāq) | Watang wit |
Rujukan
besut- ↑ a b c d LANZAFAME, Iolanda Laura (2011). "RELEVANT INFLUENCES OF SICULO-ARABIC DIALECT ON THE SICILIAN LANGUAGE AND CULTURE" (PDF). Review of Historical Geography and Toponomastics. VI: 70–79. Diarsip saka sing asli (PDF) ing 2018-04-27. Dibukak ing 2017-07-07.
- ↑ Comrie, Bernard; Fabri, Ray (2007). Introducing Maltese Linguistics. Bremen, Jerman: John Benjamins Publishing Company. kc. 3–6. ISBN 978-90-272-0580-3.
- ↑ Agius, Dionisius A. (2010). Siculo Arabic. USA lan Kanada: Routledge. kc. 38. ISBN 0-7103-0497-8.
- ↑ Agius, Dionisius A. (2007). "Who Spoke Siculo Arabic?" (PDF). XII Incontro Italiano di Linguistica Camito-Semitica (Afroasiatica): 25–27.
- ↑ "Siculo Arabic". Dibukak ing 7 Juli 2017.