Basa Yüt (basa Yit)
Basa Yüt utawa basa Yit (Aksara Kan: 粵語; pinyin: yueyu; Ind: bahasa Yue) yaiku klumpukan basawangsa Cina kocap ing Cina Kidul utamane ing Kwangtung lan Kwangsyi kang karan Lyangkwang.
Jeneng basa Kwangtung (Ing: Cantonese) lumrah kanggo klumpukan iki. Ananging, juru basawidya luwih seneng supaya jeneng mau kanggo parijinis basa ing Kwangcow, Wucow, Hongkong, lan Makaw wae saemper carabasa kang sinubya (Ing: prestige). Basa Hoysan saka pasisir Cyangmen kapapan ing sakidulkuloning Kwangcow biyene dumadi basa akeh-akehing wong kang nênêka saka Kwangtung menyang Asia Kidulkulon lan Amerikah Lor. Wong neneka kang pungkas-pungkasan banjur wus dumadi pamocap basa Kwangtung.
Parijinis-parijinising basa Yüt ora bisa dipadhamangreteni (Ing: not mutually intelligible) karo parijinis basa Cina liya. Basa iki kalebu sadengahing parijinis kang paling parijaga ngenani wyanjana pungkasan lan kategori larasing basa Cina Tengahan. Ananging, saperangan pibeda liya wis ilang kaya ta wyanjana wiwitan lan wyanjana tengahan kang parijinis basa Cina liyane duwe.