Basiyo

Basiyo iku sawijining pelawak saka Yogyakarta. Lawakan Basiyo kondhang ing Jawa liwat sawatara giyaran radio (RRI), televisi (TVRI), lan atusan rekaman kaset.. Lawakané asring karan Dhagelan Mataram, jumbuh karo jeneng acarané ing RRI Yogyakarta.

Nalika nglawak, Basiyo asring bebarengan karo kanca-kancané, ing antarané Sudarsono, Hardjo Gepeng, Suparmi, Pujiyem, Ngabdul, Atmo Kemin, bojoné (Bu Basiyo), lan liya-liyané. Akèh-akèhé kancané iku karyawan RRI Nusantara II Yogyakarta, sing lumrah ditampung déning pamaréntah nalika jaman iku.

Basiyo uga asring kolaborasi karo sawatara seniman liya, ing antarané Bagong Kussudihardjo, Ki Nartosabdo, Nyi Tjondrolukito, lan liya-liyané.

Diskografi

Rekaman audio Basiyo akèh diwedalaké déning Fajar Borobudur Record, Irma lan Lokananta (Sala).

• Pangkur Jengglèng
• Basiyo mBécak
• Degan Wasiat
• Basiyo Kapusan
• Kibir Kejungkir
• Maling Kontrang-kantring
• Gathutkaca Gandrung
• Dhadhung Kepuntir
• Basiyo mBlantik
• lan liya-liyané