Basquiat (filem)
Basquiat ya iku filem saka Amérikah Sarékat kang digawé taun 1996. Filem iki disutradarani Julian Schnabel, dhedhasar skénario anggitané Julian Schnabel, Lech J. Majewski, lan John Bowe, dijupuk saka lelakon nyata uripé salah sawijiné seniman postmodernist/neo expressionist saka Amérikah Sarékat, Jean-Michel Basquiat, kang nelaténi seni graffiti minangka dhasar ngripta sunggingan kang gayané kolase. Ing filem iki, Jeffrey Wright maragani Basquiat, David Bowie didhapuk dadi Andy Warhol, kanca lan guruné Basquiat. Sing maragani liyané ya kuwi Gary Oldman minangka Schnabel, Michael Wincott minangka pujangga lan kritikus seni Rene Ricard, Dennis Hopper minangka Bruno Bischofberger, Parker Posey minangka kang duwé gladri. Mary Boone, Claire Forlani, Courtney Love, Tatum O'Neal, lan Benicio del Toro didhapuk minangka paraga pambiyantu ing filem iki.[1][2][3]
| Basquiat | |
|---|---|
 Theatrical release poster | |
| Disutradarani | Julian Schnabel |
| Diprodhuseri | Peter Brant Joseph Allen |
| Ditulis déning | Julian Schnabel Lech J. Majewski John Bowe |
| Dibintangi | Jeffrey Wright David Bowie Benicio del Toro Dennis Hopper Gary Oldman Michael Wincott Courtney Love Claire Forlani Parker Posey |
| Dimusiki | Julian Schnabel John Cale |
| Sinématografi | Ron Fortunato |
| Dibesut déning | Michael Berenbaum |
| Dibabar déning | Miramax Films |
Tanggal metu | 9 Agustus 1996 |
Suwéné | 108 menit |
| Nagara | Amérikah Sarékat |
| Basa | English Spanish |
| Rantaman | $3.3 million |
| Kalarisan | $3,011,195 |
Holman, salah sawijiné panganggit skénario ing filem ya iku naté dadi punggawané grup musik rock The Tubes, kang kapisan ketemu karo Basquiat ing taun 1979 lan nglakoni sinau bebarengan kanthi ngadegaké kelompok eksperimen industrial/elektronika Grey.[4][5][6][7][8][9][10]
Latar wuri
besutFilem Basquiat nyritakaké lelakon uripe salah sawijiné juru sungging katurunan kulit ireng saka Amérikah Sarékat kang uripé ora nggenah, rambuté gimbal dikucir munggah. Saben dinané, nalika ésih urip, Basquiat turu sadalan-dalan utawa glandhangan, ndadèkké kerdus minangka omahé. Ing sajeroné kerdus kuwi, Basquiat bisa turu penak lan ngimpi ketemu ibuné kang mènèhi makutha emas. Sing ana sajeroné pikirané ora winatesan, kaya déné kaliaran prilaku seksualé kang nglakoni urip biseksual. Langit, kanggoné Basquiat, ora liya ya sagara kanthi ombak kang gedhé, lan lan dhèwèké ana ing sadhuwure ombak kuwi.
Kiprahé ing donyané seni ora suwé, saka umur 20 taun nganti tumeka umur 27 taun (mung pitung taun), nanging nalika dhèwèké mati taun 1988, pakaryané dadi parembugan ing antarané para juru sungging sadonya, mligi para seniman pos-modernis. Kanggoné Basquiat, kabèh panggonan ya iku srana kang bisa digunakké nyungging lan ngripta. Ora ana siji sunggingané kang diangep rampung. Pakaryan pasunggingané tansah owah gumantung saka pepènginan utawa kaanan panyunggingé. Perkara iki kang dadi prabédan antarané Basquiat karo para panyungging liyané. Pakaryané Basquiat urip bebarengan karo dhèwèké. Ing tangané Basquiat, seni lukis bisa nglumpati watesan papan kanggo nyungging kang ciut.
Ingkang maragani
besutUga delengen
besutPranala njaba
besutRujukan
besut- ↑ To read more about Holman and Basquiat forming Gray and hear some Gray tracks: http://www.michaelholman.com/MUSIC.html Archived 2017-03-28 at the Wayback Machine.
- ↑ "Basquiat" Interview. Ingrid Sischy. ArtForum July 1996.
- ↑ Charlie Rose interview with Julian Schnabel and David Bowie on the movie Basquiat. Aired on WNET, Channel 13, New York, Friday August 9, 1996. http://www.charlierose.com/view/interview/6028 Archived 2009-08-30 at the Wayback Machine.
- ↑ "Basquiat". Rotten Tomatoes. Flixster. Dibukak ing August 31, 2012.
- ↑ Ebert, Roger. Basquiat Archived 2005-08-25 at the Wayback Machine.. Chicago Sun-Times. August 16, 1996. Retrieved August 31, 2012.
- ↑ Janet Maslin, "Basquiat: A Postcard Picture of a Graffiti Artist" New York Times, August 9, 1996. http://movies.nytimes.com/movie/review?res=9E07E4DF123EF93AA3575BC0A960958260
- ↑ Bonetti, David (April 21, 1997). "Basquiat' trivializes talented painter's life". The San Francisco Chronicle.
- ↑ Kenneth Turan. "Movie Reivew: Basquiat: The Tortures of Creative Life" Los Angeles Times, Friday August 9, 1996. http://www.calendarlive.com/movies/reviews/cl-movie960809-2,0,6464898.story
- ↑ Brooks Adams. "Basquiat. - movie reviews" Art in America, Sept, 1996.
- ↑ Phoebe Hoban. Basquiat: A Quick Killing in the Art World (second edition). Penguin Books. New York, 2004.