Benny Simanjuntak
Benny Simanjuntak (lair ing Medan, 4 Sèptèmber 1969; umur 55 taun) iku kang duwé Sekolah Acting presenter lan Modelling Contoh Management, perusahaan Manajemen artis kang diadegaké ning taun 1998.[1] Priya kang sok diundhang karo jeneng Bencot iki wis ora diragukaké manèh amarga wis dibuktikaké nalika dadi manajer saka artis-artis ning Indonésia, kaya ta Indra L. Brugmann, Jonathan Frizzy, Nina Saqinah, Steve Emmanuel, Kinaryosih, Leony, Dhini Aminarti lan artis-artis liyané ning kutha krajan.[1]
| Benny Simanjuntak | |
|---|---|
 | |
| Lair | Sèptèmber 4, 1969 Medan, Sumatera Utara, Indonesia |
| Bangsa | Indonesia |
| Pakaryan | Artis, Presenter, Selebriti internet |
Benny Simanjuntak uga olèh undhang-undhangan Benny Simanjuntak contoh, amarga jeneng manajemené.[2] Ngeluncuraké manajemen anyaré kang dijenengi New Contoh Management uta manawa disingkat dadi NCM.[2] Dhèwèké nggawé gebrakan ning dunya hiburan, amarga nggandheng model Internasional kang asalé saka Ukraina lan Uzbekistan nganti akahé 10 model digawa Benny Simanjuntak kanggo nambahi warna ning dunya hiburan ning Indonesia.[2]
Alesané déning Benny Simanjuntak iki supaya para model ning Indonesia bisa kapengin lan bisa mèlu-mèlu ning dunya model internasional uga.[2] Ora namung kanggo para model ning Indonesia, alesan iku uga dituju kanggo para désainer kanggo improvisasi.[2] Niaté iki ora main-main, dhèwèké rela manawa lunga adoh menyang Éropah namung kanggo golet para model kang akehé wis kondhang ning masarakat internasional.[2] Modelé uga ora main-main, dhèwèké ndeleng experience saka model iku, lan akehé pengalamané.[2] Meski para model iku akèh-akehé ora bisa nggunem nganggo basa Indonesia, dhèwèké ora watir malah ngaku manawa modelé ora namung bisa dimanfaataké ning catwalk nanging uga bisa dikongkon akting lan nyanyi.[2] Soal ora bisa basa, malah dadi keuntungan amarga model-modelé ora gampang anggoné direcoki déning wong liya.[2]