Binahong

Binahong
Anredera cordifolia
	Binahong
Takson
Superdivisi	Embryophytes ·
Divisio	Tracheophytes ·
Subdivisi	Spermatophytes ·
''tanpa takson''	Angiosperms ·
''tanpa takson''	mesangiosperms ·
''tanpa takson''	eudicots ·
''tanpa takson''	core eudicots ·
Ordo	Caryophyllales ·
Kulawarga	Basellaceae ·
Genus	Anredera ·
Spesies	Anredera cordifolia; Steenis
Tata nama
Basionim	Boussingaultia cordifolia

Binahong ya iku salah sawijining tanduran mrambat kang akèh mupangaté. Binahong iku tanduran asli saka Amérikah Kidul. Binahong kuwi tanduran kang cepet banget thukulé. Jeneng ngèlmiahé ya iku Anredera cordifolia. Binahong kuwi kalebu bangsa Caryophyllales lan marga Anredera.^[1]

Jeneng Liya

Aran liyané binahong ya iku bidahong. Ing basa manca binahong uga akèh aran liyané ing antarané Madeira vine (Ostrali), Mignonette vine (New Zealand), Parra de Madeira (Spanyol), Tengsanqi (Cina). Menawa jeneng padanan saka Anredera cordifolia iku ana akèh ing antarané ya iku Boussingaultia cordata, Boussingaultia cordifolia, Boussingaultia gracilis, Boussingaultia gracilis forma gracilis, lan Boussingaultia gracilis forma pseudobaselloides.^[2]

Titikan

Tanduran

Gagang enom wit binahong iku wernané ijo semu abang sing saya suwé malih dadi werna klawu semu coklat. Tanduran iki bisa mrambat dawané nganti 30 m. Gagangé iku alus lan ora nduwèni wulu.

Godhong

Godhong binahong wernané ijo wujudé kaya wujud ati. Godhong binahong thukul selang-seling lan semi sukulèn (kandel lan kaya ana isine). Dawa godhong watarané 4–3 cm. Saliyané werna ijo, godhong binahong uga ana sing wernané semu abang.

Kembang

Kembang binahong iku ambuné rada arum lan wernané coklat enom. Kembang binahong thukul ing tundhun tunggal. Rata-rata dawa tundhun kembang binahong ya iku 10 cm, nanging dawané uga bisa nganti 30 cm. Saben tundhun nduwèni kembang-kembang cilik sing cacahé ana 5 mahkuta kembang.

Woh

Woh binahong iku ukurane cilik watarané 2–3 mm kang panggonané ana ing njero makutha kembang.

Uwi

Uwi binahong lumrahé thukul ing gagangé wit binahong sing thukul ing ndhuwur lemah. Uwi binahong iku gedhéné antara 2–3 cm lan wujudé ora aturan.

Ana tanduran kang rupané arep padha karo binahong ya iku tanduran gendola Basella rubra. Loro-loroné kuwi kalebu tanduran obat mrambat kang nduwèni rupa sing arep padha. Sanadyan rupané padha, binahong lan gendola nduwèni piguna kang béda. Amarga iku kudu dimangertèni béda-bédané saka tanduran iki, supaya ora klèru nalika arep migunakaké tanduran-tanduran obat iki. Kanggo gampang nitèni bédané saka tanduran-tanduran iki, ing ngisor iki tuladhané:

Karo-karoné padha-padha saka famili sing padha ya iku Basellaceae, nanging menawa Binahong iku saka suku Anderae menawa Gendola iku saka suku Baselleae
Gagang enom gondola luwih ana isiné uga gedhé
Gagang tuwané binahong iku dithukuli uwi, kang uwi iku bisa didadèkaké winih tanduran binahong anyar
Kembang binahong iku luwih cilik lan rengket, menawa kembang gendola iku luwih gedhé kembangé lan luwih amba leté ing antara kembang siji lan kembang liyané
Godhong gendhola lumrahé digunakaké dadi jangan kaya ta tanduran sawi, menawa godhong binahong luwih asring digunakaké dadi tanduran rerenggan lan tanduran tamba manéka werna lelara.^[3]

Isi sajroning godhong binahong

Godhong binahong saiki misuwur dadi tamba ltradisional kanggoné akèh jinis lelara. Sajroning godhong binahong ngemot zat-zat kang migunani banget tumrap tamba kanggo manéka werna lelara. Ing antarané ana :

Alkaloid
Polifenol
Flavonoid
Saponin
Tanin
Fenol, lan
Minyak atsiri^[4]

Mupangat

Binahong iku nduwèni akèh mupangat. Binahong wis misuwur banget dadi tanduran obat. Kabèh pérangan saka binahong bisa dimupangataké, ananging sing paling asring digunakaké ya iku pérangan saka godhong binahong. Ing ngisor iki, mupangat-mupangat saka tanduran binahong:

Ing tlatah Jawa Kulon, godhong binahong sing isih enom lumrah dianggo lalapan
Tamba tatu njaba
Nglancaraké aliran getih ing awak
Nambani sawisé nglakoni operasi
Tamba watuk
Tamba gusi sing getihen
Tamba lara ambèyen
Tamba darah rendah
Tamba lara kencing manis
Tamba lara gagal ginjel

Sanadyan bisa sinebut èfèktif kanggo mbantu nambani lelara, godhong binahong iku uga bisa nyebabaké jantung deg-degan, ngelu, lan insomnia. Godhong binahong iki uga ora kena dipangan bareng karo stimulan kaya ta kaféin lan tamba resèp dokter, amarga bisa njalari manéka werna lelara liyané.^[5]

Gladri

Tetuwuhan binahong sing lagi ngembang
Godhong binahong kang amba
Kembang binahong saka cedhak

Rujukan

↑ "Binahong". Plantamor. Dibukak ing 2019-04-23.
↑ 100 Plus Herbal Indonesia Bukti Ilmiah & Racikan. Vol. 11. Trubus. kc. 100–103. ISBN 0216-7638. {{cite book}}: Check |isbn= value: length (pitulung)
↑ 100 Plus Herbal Indonesia Bukti Ilmiah & Racikan. Vol. 11. Trubus. kc. 210. ISBN 0216-7638. {{cite book}}: Check |isbn= value: length (pitulung)
↑ Dwiyanti, Ratih Dewi; Widiningsih, Indah Kurnia (2015). "EFEKTIVITAS AIR REBUSAN DAUN BINAHONG (Anredera cordifolia) TERHADAP PERTUMBUHAN Salmonella typhi". Medical Laboratory Technology Journal. 1: 6. {{cite journal}}: Check |first2= value (pitulung); Check |first= value (pitulung); line feed character in |title= at position 69 (pitulung)
↑ Apinino, Rio (2015-01-21). "Manfaat daun Binahong untuk Kesehatan". Liputan6. Dibukak ing 2019-05-15.

[1] "Binahong". Plantamor. Dibukak ing 2019-04-23.

[2] 100 Plus Herbal Indonesia Bukti Ilmiah & Racikan. Vol. 11. Trubus. kc. 100–103. ISBN 0216-7638. {{cite book}}: Check |isbn= value: length (pitulung)

[3] 100 Plus Herbal Indonesia Bukti Ilmiah & Racikan. Vol. 11. Trubus. kc. 210. ISBN 0216-7638. {{cite book}}: Check |isbn= value: length (pitulung)

[4] Dwiyanti, Ratih Dewi; Widiningsih, Indah Kurnia (2015). "EFEKTIVITAS AIR REBUSAN DAUN BINAHONG (Anredera cordifolia) TERHADAP PERTUMBUHAN Salmonella typhi". Medical Laboratory Technology Journal. 1: 6. {{cite journal}}: Check |first2= value (pitulung); Check |first= value (pitulung); line feed character in |title= at position 69 (pitulung)

[5] Apinino, Rio (2015-01-21). "Manfaat daun Binahong untuk Kesehatan". Liputan6. Dibukak ing 2019-05-15.

[1]

[2]

[3]

[4]

[5]