Bir pletok
Bir pletok ya iku ombenan asli saka Betawi. Sanajan jenenge bir nanging ombenan iki ora ngandhut alkohol mula ora kharam kanggo wong Muslim. Bir pletok kagawe saka bumbon crakèn asli Indonésia mula bisa ngangetaké awak, apa manèh yèn ditambahi es, bir pletok krasa san saya seger.
Bahan utama bir pletok ya iku jahe ditambah kapula, seré, kayu legi, kayu secang supaya wernane abang lan gula. Supayane bisa ndadèkaké bir pletok kang mantep dibutuhake Jahe Gajah kang wis tuwa, Yèn kepéngin luwih pedes rasané bisa nggunakaké jahe abang.
Kaya déné ombenan tradhisional liyané, bir pletok uga duwé kasiat, ya iku:
- Nurunake panas
- Ngusir masuk angin
- Nggawe anget weteng
- Lsp
Sajarah
besutCeritane, jeneng bir pletok metu saka wong Betawi gedhongan (wong sugih) kang kerep kancanan karo wong Walanda.
Dhèwèké ndelok, rikala banyu jahe iki dikocok lan disok ing gelas mentu munthuke ing dhuwure, persis kaya bir kang kerep diombe wong-wong belanda. Manawa saka kono jeneng Bir metu.
Wong Betawi percaya, jeneng pletok iku asalé saka swara es batu kang klotakan karo tungku kang dikocok. Dadi swarane pletak, pletok lan rikala ombenan iki disok ing gelas, muntuhuke bakal metu kaya bir. Akhire, jeneng bir pletok misuwur ing masarakat Betawi.