Bratawali
| Bratawali | |
|---|---|
| |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Ranunculales |
| Famili: | Menispermaceae |
| Génus: | Tinospora |
| Spésies: | T. crispa |
| Jeneng binomial | |
| Tinospora crispa (L.) Miers ex Hoff.f | |
Bratawali ing basa Latin dikenal kanthi jeneng Tinospora crispa L. Miers.[1][2][3] Bratawali uga nduwé jeneng laladan, ya iku butrawali, batrawali (ing basa Jawa), putrawali, andawali (ing basa Sunda), antawali (ing basa Bali), lan gandel.[2][3] Ing basa Cina, bratawali dikenal kanthi jeneng shen jin wonten ing.[4] Bratawali isih sakulawarga ing Menispermum verricosum Flem.[1][5]
Ciri Fisik
besutBratawali duwé godhong kang wernané ijo lan dhapuré kaya jantung utawa pedhang, kaya déné godhong suruh, rada bunder, ambané 6–12 cm.[2][3][6] Godhongé kalebu jinis godhong tunggal, duwé gagang, lan pucuké rada lancip.[2] Kembang bratawali ukurané cilik lan duwé makutha kang cacahé 6.[4][7] Kembange yèn isih mingkup wernane ijo, déné kembange kang megar wernane abang lan putih.[8] Gagang brotowali dawa lan akèh kutilé.[4] Woh brotowali yèn isih nom wernané ijo nom, déné wis mateng wernané jambon.[7]
Panggon Thukul
besutWit bratawali bisa tinemu thukul alasan ing alas utawa tegalan. Nanging, amarga kasiyate, akèh warga kang nandur ing latar omah utawa mburi omah.[2] Akèh kang percaya yèn bratawali asalé saka Asia Tenggara lan India.[9] Wit iki kasebar, mligi ing laladan tropis, amarga wit iki seneng urip ing panggonan kang rada panas.[2]
Kandhungan lan paédah
besutBratawali duwé alkaloid, damar empuk, pathi, glikosida pikroretosid, zat pait pikroretin, harsa, berberin, lan palmatin. Zat pait pikroretin bisa ngunggahna saraf supaya piranti-piranti pernafasan bisa kerja luwih apik lan mudhunaké panas.[3] Alkaloid berberina bisa matèni bakteri yèn tatu, korèngen, lan kudisen. Saliyané iku, brotowali uga duwé paédah bisa nambah nafsu mangan lan mudhunaké kadar gula.[9] Bratawali uga bisa marekaké lara memar, gatel-gatel, malaria, panas, hépatitis, diabetes, rématik, lan nambah nafsu mangan.[1][2]
Cathetan suku
besut- ↑ a b c Lembaga Penelitian Pengembangan dan Pemberdayaan Lingkungan. 2000. Pemanfaatan Tumbuh-Tumbuhan Alami Untuk Keséhatan dan Pengobatan Alternatif. Jawa Tengah: Jaya Madani
- ↑ a b c d e f g Inu, Ade. 1982. Kebun Apotik. Jakarta: Aries Lima Hal 5-6
- ↑ a b c d Wijayakusuma, Hembing. 2006. Resep Alami dari Pakar Herbal Atasi Asam Urat & Rematik Ala Hembing. Jakarta: Puspa Swara. Hal 22-23. ISBN 979-24-4807-1
- ↑ a b c Muhlisah, Fauziah. 2001. Taman Obat Kulawarga. Jakarta: Panebar Swadaya. Hal. 11-13. ISBN 979-489-308-0
- ↑ Tanaman obat Bratawali[pranala mati permanèn] {kajupuk tanggal 26 Fèbruari 2011 tabuh 17.24}
- ↑ Majalah Trubus Edisi Khusus. ISSN 0128-0057. Hal 216
- ↑ a b Tukiman. 2009. Pemanfaatan Tanaman Obat Kulawarga (TOGA). Sumatera Utara: Pendidikan Keséhatan dan Ilmu Perilaku Fakultas Keséhatan Masarakat
- ↑ Dalimarta, Setiawan. 2001. 96 Resep Tumbuhan Obat untuk Reumatik. Jakarta: Panebar Swadaya. ISBN 979-489-560-1
- ↑ a b Medikaholistik.com[pranala mati permanèn]
Pranala njaba
besut- IPTEK.net Archived 2011-08-21 at the Wayback Machine.
- Annehira.com Archived 2011-03-02 at the Wayback Machine.
- [1][pranala mati permanèn]
- [2][pranala mati permanèn]
- [3]
- [4]
- [5] Archived 2011-02-25 at the Wayback Machine.