Brooklyn Nets
Brooklyn Nets inggih punika tim bal basket Amérika ingkang kagabung wonten ing salebeting National Basketball Association.[1] Tim punika dumunung wonten ing Brooklyn, New York.[1] Tim punika dipunbentuk nalika taun 1967 kanthi nama "New Jersey Americans".[1] Wonten ing wiwitanipun, NJ Americans main wonten ing kompetisi American Basketball Association (ABA) lan saged menangaken 2 gelar juara ABA nalika taksih diperkuat déning Julius Erving.[1] Ingkang gadhah klub mau, Arthur Brown, gadhah ancas kanggé mapanaken timipun wonten ing kutha New York, nanging amargi boten pikantuk papan saèngga klub mau nelasaken mangsa 1967-1968 wonten ing Teaneck, New Jersey.[1] Nama Nets kapendhet nalika tim mau pindhah dhateng New Jersey lan dipunselarasaken kaliyan 2 tim ulah raga ingkang sampun wonten ing kutha mau, inggih punika Mets (bisbol) lan Jets (bal-balan).[1]
Sasampuning main wonten ing Teaneck Armory nalika taun 1967/68, Nets naté pindhah dhateng sapréangan stadion, inggih punika Long Island ArenaIsland Garden, Nassau Coliseum, Rutgers Athletic Center, Continental Airlines Arena, lan pungkasan Prudential Center.[2] Nets kagabung dhateng NBA wonten ing mangsa 1976/77 kanthi mbayar sajumlah arta 8 juta dolar AS. Akibatipun, Nets ngalami prakawis finansial lan kapeksa nyadé Julius Erving dhateng Philadelphia 76ers.[2] Mangsa paling apik Nets wonten ing NBA kadadosan nalika taun 2001/02 nalika point guard Jason Kidd, kagabung kaliyan klub mau.[2] Wonten ing mangsa mau, kanggé kapisanan Nets mlampah dumugi ing babak final NBA. Wonten ing mangsa 2009/2010, Nets dipunsadé dhateng Mikhail Prokhorov, satunggaling tiyang miliyuner Ruslan.[2] Wonten ing mangsa mau, Nets ngalami taun paling awon kanthi namung menang kaping 12 ing tetandhingan lan kawon cacah 70 tetandhingan.[2]
Sasampuning 35 mangsa ing New Jersey, tim wangsul malih dhateng praja New York nalika taun 2012 kanggé main ing Barclays Center ing Brooklyn minangka Brooklyn Nets.
Nomor ingkang dipunpènsiunaken besut
- 3 — Dražen Petrović, G, 1990–93
- 4 — Wendell Ladner, F, 1974–75
- 23 — John Williamson, G, 1973–80
- 25 — Bill Melchionni, G, 1969–76
- 32 — Julius Erving, F, 1973–76
- 52 — Buck Williams, F, 1981–89[3]
Cathetan suku besut
- ↑ a b c d e f Tickets-nba-basketball.com Archived 2012-01-24 at the Wayback Machine. New Jersey Nets History. Dipunundhah tanggal 10 Maret 2013.
- ↑ a b c d e Sportsecyclopedia.com New Jersey Nets. Dipunundhuh tanggal 10 maret 2013.
- ↑ http://www.nba.com/nets/
| Artikel iki minangka artikel rintisan. Kowé bisa ngéwangi Wikipédia ngembangaké. |