CUDA
Compute Unified Device Architecture (CUDA) inggih menika[1] platform komputasi paralel lan antarmuka pemrograman aplikasi (API) ingkang dados milikipun piyambak, ingkang ngidini piranti lunak ngginakaken jinis-jinis graphics processing unit (GPU) tartamtu kangge pamrosesan umum ingkang dipun-accelerate, pendekatan ingkang dipunsebat general-purpose computing wonten ing GPU (GPGPU). CUDA API lan runtime-ipun: CUDA API inggih menika ekstensi saking basa pemrograman C ingkang nambah kaprigelan kangge nemtokaken paralelisme level thread ing C lan ugi nemtokaken operasi khusus GPU (kados mindahaken data antawisipun CPU lan GPU).[2] CUDA inggih menika lapisan piranti lunak ingkang maringi akses langsung dhateng kumpulan instruksi virtual GPU lan elemen komputasi paralel kangge nindakaken kernel komputasi.[3] Kajawi driver lan kernel runtime, platform CUDA ugi ngemot compiler, modul, lan piranti pengembang kangge mbiyantu programmer ngoptimalaken aplikasi-aplikasipun.
| Barkas:Nvidia CUDA Logo.jpg | |
| Pangembang | Nvidia |
|---|---|
| Rilis pisanan | Juni 23, 2007 |
| Versi rilis terbaru | 12.4.1 / April 12, 2024 |
| Sistem operasi | Windows, Linux |
| Platform | Supported GPUs |
| Jenis | GPGPU |
| Lisènsi | Paten |
| Situs web | developer |
CUDA dipunrancang kangge nyambut damel kaliyan basa pemrograman kados C, C++, Fortran lan Python. Aksesibilitas menika ndadosaken langkung gampil kangge ahli pemrograman paralel ngginakaken sumber daya GPU, beda kaliyan API saderengipun kados Direct3D lan OpenGL, ingkang mbetahaken kaprigelan lanjutan ing pemrograman grafis.[4] GPU ingkang dipunkuwaosi CUDA ugi nyengkuyung kerangka kerja pemrograman kados OpenMP, OpenACC lan OpenCL.[4][3]
CUDA dipundamel dening Nvidia ing taun 2006.[5] Nalika sepisan dipunperkenalaken, namanipun inggih menika akronim kangge Compute Unified Device Architecture,[6] nanging Nvidia salajengipun mboten ngginakaken akronim menika kanthi umum lan mboten malih ngginakaken.
Sitiran
besut- ↑ Shah, Agam. "Nvidia not totally against third parties making CUDA chips". www.theregister.com (ing basa Inggris). Dibukak ing 2024-04-25.
- ↑ Nvidia. "What is CUDA?". Nvidia. Dibukak ing 21 March 2024.
- ↑ a b Abi-Chahla, Fedy (June 18, 2008). "Nvidia's CUDA: The End of the CPU?". Tom's Hardware. Dibukak ing May 17, 2015.
- ↑ "OpenCL". NVIDIA Developer (ing basa Inggris). 2013-04-24. Dibukak ing 2019-11-04.
- ↑ "Nvidia CUDA Home Page". 18 July 2017.
- ↑ Shimpi, Anand Lal; Wilson, Derek (November 8, 2006). "Nvidia's GeForce 8800 (G80): GPUs Re-architected for DirectX 10". AnandTech. Dibukak ing May 16, 2015.