Candhi Singhasari utawaCandhi Singasari utawaCandhi Singosari ya iku candhiHindhu-Buda tilas sajarah Karajan Singhasari kang ana ing DésaCandhirenggo, Kacamatan Singosari, Kabupatèn Malang, Jawa Timur, Indonésia.
Candhi Singosari tinemu sakiwa-tengené awal abad 19, taun (1800-1850), déning wong Walanda kang jenengé Nicolaus Engelhard, kanthi sebutan candhi Menara amarga dhapuré kaya menara, nanging penduduk sakiwa-tengené njenengaké candhi Singosari amarga papané ana ing Singosari, uga ana sapérangan wong kang nyebut Candhirenggo, amarga papané ing Désa Candhirenggo[1].
Wujud yasan Candhi Singosari bisa diceluk istimewa, amarga candhi iku kaya ta nduwé 2 tataran. Sebeneré bilik-bilik candhi ana ing pérangan awak candhi, ing Candhi Singosari malah ana ing sikil candhi. Bilik-bilik iku awalé uga ana ing jero arca ya iku ing pérangan lor isiné arca Durgamahisasuramardhini, sisih wétan arca Ganesha lan ing pérangan kidul ana arca Resi Guru kang racaké dikenal kanthi sebutan Resi Agastya. Saiki namung ana arca Resi Agastya, arca liyané wés digawa menyang Leidan-Walanda. Arca resi Agastya ora digawa menyang Walanda amarga kondisiné wus rusak kang parah, saingga ora layak digawa kanggo bebungah penguasa nagari Walanda nalika iku[2].
