Casey Stoner

Casey Stoner (lair ing Southport, Queensland, Australia, 16 Oktober 1985; umur 38 taun) ya iku salah siji pembalap MotoGP saka Australia. Saiki Stoner mèlu ing tim Repsol Honda. Stoner miwiti mèlu balap motor dadi pambalap wild card ing Sirkuit Donington Park, nalika GP Inggris kelas 125cc taun 2001. Sawisé mbalap ana ing kelas 125cc lan 250cc, Stoner banjur mlebu ana ing kelas MotoGP nalika taun 2006 lan lumebu tim LCR Honda. Puncak karire ya iku taun 2007 nalika Stoner ing tim Ducati Marlboro lan bisa dadi juwara donya sing pisanan. Sawisé dadi juara donya taun 2007 banjur ana ing yaun 2008, Stoner olèh kanugrahan gelar Young Australian of the Year kang diwenehke déning pamaréntah Australia.

Casey Stoner
Casey Stoner ing mangsa MotoGP 2012
Warga negara	Australia
Miyos	(1985-10-16) 16 Oktober 1985
Miyos ing	Southport, Queensland, Australia
Website	caseystoner.com.au
MotoGP Record
Tim sapuniki	Pensiyun
Nomer motor	27
Jawara Donya	2 (2007)(2010)
Start	144
Menang	30
Podium	63
Pole positions	26
Fastest lap	24
Championship Points	1807
2012 Championship position	Posisi 4 (225 poin)

Pribadi

Casey Stoner ya iku putra nomer loro saka pasangan Colin Stoner lan Bronwyn. Casey nduwé mbakyu kang jenengé Kelly Stoner kang uga nduwé kasenengan lan kerep mèlu balapan montor amatir. Wiwit cilik, Stoner wis biyasa karo sing jenenge pit montor. Pit montor pisanan kang diduweni dicoba nalika umur 4 taun sawisé diajari déning kangmase.

Kulawarga lan kanca

Adriana Tuchyna lan Casey Stoner ana ing GP Valencia 2009.

Casey Stoner ketemu karo Adriana Tuchyna, kang asalé saka Adelaide nalika balapan MotoGP Australia 2003. Nalika iku Stoner mènèhi tanda tangane ana ing wetengé Adriana. Suwening-suwé Stoner lan Adriana bangun bale wisma bebarengan, lan saiki diwènèhi momongan anak wadon siji. Lairé anaké Stoner jalari dhèwèké mutusaké pensiyun saka donyaning MotoGP jalaran rumangsa iku donya kang bebayani, apa manèh nalika iku sapepadha pembalap MotoGP ya iku Marco Simoncèli tiwas ing balapan sèri Malaysia. Stoner banjur ngumumaké yèn dhèwèke bakal pensiyun sawisè musim balap 2012.