Charlie And The Chocolate Factory
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Charlie and the Chocolate Factory utawa "Charlie lan Pabrik Coklat" iku salah sawijining novèl bocah sing dikarang déning Roald Dahl. Novèl iki wis diterjemahaké ing akèh basa, kaya ta basa Italia, Spanyol, Nurwègen, Ruslan, Indonesia lan liya-liyané. Novèl iki uga wis tau di-filem-aké kaping pindho.
Sinopsis
besutPak Willy Wonka, wong sing nduwé pabrik coklat "Willy Wonka", nyebar 5 tikèt mas ing sajeroné bungkus-bungkus coklat saka pabriké. Tikét iku mau bisa minangka tour ing sajeroné pabrik coklat "Willy Wonka". Charlie Bucket, bocah lanang kéré sing ngomah ana ing gubug sacedhaké pabrik coklat "Willy Wonka" ora kanyana-nyana bisa éntuk salah sawijining tikèt mas iku. Dhèwèké éntuk tikèt iku ana ing sajeroning coklat sing dituku nganggo dhuwité simbah kakungé kanggo bebungah ambal warsané Charlie. Saliyané Charlie ana 4 bocah liya sing éntuk tiket mas iku mau. Bocah-bocah iku anama Mike Teavee, Veruca Salt, Violet Beauregarde lan Augustus Gloop. Ing dina sing wis ditemtokaké, Charlie lan 4 bocah liyané nglakokaké tour sing wis dijanjèni déning Pak Wonka mau. Charlie dikancani simbah kakungé, déné bocah-bocah liyané dikancani bapak lan ibuné dhéwé-dhéwé.
Ana ing sajeroning pabrik, Charlie, bocah-bocah liyané lan para wong tuwa padha digawé gumun déning isiné pabrik sing ora kanyana-nyana. Nanging, ing satengah-tengahing tour, bocah-bocah saliyané Charlie padha kena masalah. Amarga padha kena prekara mau, bocah-bocah iku lan para wong tuwanè banjur kudu mandheg olèhé mèlu tour.
Sawisé bocah papat lan para wong tuwané dhéwé-dhéwé padha metu saka tour, wong njaban pabrik sing mèlu tour mung kari Charlie lan simbah kakungé. Willy Wonka banjur ngandhani wong loro mau yèn tour iku satemené dudu mung tour biyasa. Tour iku saranané Willy Wonka nggolèk panerus kanggo pabrik iku, amarga dhèwèke ora duwé sanak kadang.
Panghargyan
besut- Surrey School Award (Inggris, 1973)
- Blue Peter Book Award (Inggris, 2000)