Tuduhaké menu pokok

Cyberbully [1] ya iku filem televisi sing dirilis tanggal 17 Juli 2011 ing ABC Family[2]. Kanggo nggawé filem iki, ABC Family kolaborasi karo majalah Seventeen. Filem kasebut nyritakaké crita bocah wadon sing dibully sacara online. Filem iki dirilis ing DVD nalika tanggal 7 Fèbruari 2012.

AleranBesut

Taylor Hillridge (Emily Osment) ya iku bocah remaja wadon sing diasuh déning ibuné, Kris (Kelly Rowan), bebarengan karo adhiné, Eric (Robert Naylor), sing manggon ing St. Louis, Missouri. Taylor cedhak karo Samantha Caldone (Kay Panabaker) lan Cheyenne Mortenson (Meaghan Rath). Taylor nggawé komentar sing ora sopan marang salah sawijining kanca sekelasé, Lindsay Fordyce (Nastassia Markiewicz), sing nggawé Lindsay mangkel banjur nyerang Taylor.

Taylor nampa komputer kanggo kadho ulang tahuné ke-17 saka ibuné. Taylor seneng banget amarga olèh kamardikan kanggo nggunakaké komputer kanggo browsing sacara online tanpa pengawasan manèh saka ibuné. Nanging, Taylor malah dadi korban cyberbullying[3] nalika dhèwèké dadi anggota situs wèb sosial sing jenengé Cliquesters.

ParagaBesut

  • Emily Osment minangka Taylor Hillridge, protagonis utama. Bocah wadon sing umur 17 taun sing entuk komputer laptop dhéwé kanggo kadho ulang tahuné.
  • Kay Panabaker minangka Samantha Caldone, kanca apiké Taylor.
  • Kelly Rowan minangka Kris Hillridge, ibuné Taylor. dhèwèké megat bojoné telung sasi kepungkur.
  • Jon McLaren minangka Scott Ozsik, bocah lanang tresna marang Taylor.
  • Meaghan Rath minangka Cheyenne Mortenson, kancané Taylor.
  • Nastassia Markiewicz minangka Lindsay Fordyce, paraga antagonis utama lan ratu tawon ing sekolahé Taylor.
  • Jade Hassouné minangka Kaleb. Dhèwèké dadi siswa gay ing sekolahané Taylor, lan uga dadi korban cyberbullying.
  • Robert Naylor minangka Eric Hillridge, adhiné Taylor.

PanampaBesut

Filem kasebut ditampa kanthi review positif saka Common Sense Media[4], sing menehi bintang 4 saka 5 rating bintang, nyatakaké "Cyberbully minangka filem sing apik kanggo ngomong karo remaja babagan bebaya nyata sing ana nang medhia online."

Cyberbully nyithak 3,4 yuta penonton ing tanggal rilis resminé. Filem iki dadi filem nomer siji lan filem TV paling asring ditampilaké kaloro ing musim 2010 lan 2011.

PromosiBesut

Ing Juli 2011, ABC Family nyelenggarakaké acara live kanthi irah-irahan "The Rally to Delete Digital Drama" ing Glendale, California. Ana ing acara kasebut kasebut Shay Mitchell, Tyler Blackburn, Daren Kagasoff, Skyler Samuels, Grey Damon, Katie Leclerc, Vanessa Marano, lan Emily Osment tampil meriahaké acara. Emily Osment nembangaké lagu "Drift" uga lagu-lagu liyané. Ana uga acara ngenèhi tanda tangan lan mbagi hadiah kanggo para penggemar.

MusikBesut

Emily Osment ngluncuraké lagu "Drift" kang ditampilaké ing filem kasebut. Lagu iki dirilis tanggal 12 Juli 2011. Filem kasebut ugha nduwèni fitur lagu "Breathe Me" déning Sia. Spot TV saka filem iki ngémot lagu "Perfect" déning Pink.

RujukanBesut

  1. Chanan, Ben, film director, screenwriter. Lobatto, David, screenwriter. Cooper, leah, film producer. Williams, Maisie, 1997- actor. Purnell, Ella, 1996- actor. Davies, Jake, actor. Hagen, Wilson, actor., Cyberbully., OCLC 975492526, dijupuk 2019-06-14 
  2. ABC Family (Television network) Gaiam Americas, Inc. (2012), ABC Family 8 pack : an ABC Family original movie deluxe collection, Gaiam Americas, Inc, OCLC 854685384, dijupuk 2019-06-14 
  3. Cyberbullying. Alexandria, VA, USA: American Counseling Association. 2015-09-25. kk. 157–171. ISBN 9781119221685. 
  4. Films Media Group, film distributor. National Geographic Television & Film, production company., Common Sense, OCLC 935946093, dijupuk 2019-06-14 

Pranala njabaBesut