Dewan Perwakilan Rakyat

Dewan Perwakilan Rakyat (dicekak DPR) iku lembaga tinggi nagara sajeroning sistem ketatanagaraan Indonésia kang dadi lembaga perwakilan rakyat lan nyekel kakuwasan gawé Undhang-Undhang. DPR duwé fungsi legislasi, anggaran, lan pengawasan.

DPR dumadi saka anggota parté pulitik peserta pilihan umum, kang dipilih miturut asil Pilihan umum. Anggota DPR periode 2004-2009 cacahé 550. Ing periode 2009-2014, cacahing anggota DPR nambah dadi 560. Mangsa kalungguhan anggota DPR yaiku 5 taun, lan mungkasi bebarengan wektu anggota DPR kang anyar ngucapaké sumpah utawa janji.

Ketua DPR wektu iki yaiku Puan Maharani.

Hak

Anggota DPR duwé hak interpelasi, hak angket, lan hak mratélakaké panemu. Anggota DPR uga duwé hak ngajokaké RUU, ngajokaké pitakonan, usul lan panemu, mbéla dhiri, hak imunitas, sarta hak protokoler.

Miturut Undhang-Undhang Nomer 22 Taun 2003 ngenani Susduk MPR, DPR, DPD, lan DPRD, sajeroning ngayahi tugas lan wewenangé, DPR duwé hak njaluk marang para pejabat nagara, pejabat pamaréntah, badan hukum, utawa warga masarakat kanggo mènèhi katrangan. Yèn panjaluk iki ora dituruti, bisa dikenakaké panggilan peksa (miturut peraturan perundhang-undhangan). Yèn panggilan peksa iki ora dituruti tanpa alesan kang sah, bisa disandera paling lawas 15 dina (miturut peraturan perundhang-undhangan).

Deleng uga

• Pratélan Ketua DPR
• MPR
• Présidhèn
• Volksraad

Pranala njaba

• Situs resmi Archived 2012-02-04 at the Wayback Machine.
• Sejarah DPR oleh Eryanto Nugroho dan Reny Rawasita Parasibu @ Parlementer.net Archived 2009-04-07 at the Wayback Machine.