Tuduhaké menu pokok
Damien Perez

Yusuf Perez, utawa kang kondhang kanthi jeneng Damien Perez, iku mantan modhel saka Prancis lan mantan garwané Julia Perez.[1][2] Dhèwèké wiwit kondhang ning Indonésia awit garwané, Julia Perez bola-bali dadi bahan berita kontroversial ning donya hiburan Indonésia.[1] Damien ketemu karo Jupe nalika dhèwèké isih dadi model ing Perancis.[1] Nalika iku, Julia Perez lagi usaha kanggo nyoba karir dadi model kang pungkasané dadi model kalawarta kanggo wong lanang FHM lan Maxim ing Perancis.[1]

Sasuwené nglakoni urip bebarengan karo Julia Perez, Damien pisah karo garwané amarga pagawéan kang gawé dhèwèké ora bisa manggon ning Indonésia.[1]

Ning taun 2009, urip bebrayanané karo Julia ambruk.[1] Malah ning sasi Fèbruari 2009, ana foto-foto Jupe lan Gaston Castano, juru main bal-balan Persiba saka Brazil.[1] Jupe banjur duwé niyat kanggo pegatan karo Damien.[1] Pegatané iki akiré dilakoni ning Perancis, amarga status nikahané kang ora didaftaraké ning Indonésia.[1] Ditambah manèh ana berita manawa Damien uga selingkuh karo model saka Malaysia, Aisyah.[1] Nanging, nalika iku Damien ngakuni esih seneng karo Jupe lan wegah anggoné pegatan karo Julia.[1]

Babagan reraketan antarané Damien, Jupe lan Gaston, Damien tau tukaran karo Gaston ning club malam ing Jakarta.[1] Kabaré, babagan mau ana amarga Gaston kang teka bebarengan karo garwané, Jupe.[1] Sawisé dikabaraké duwé gayutan karo model saka Malaysia, Aisyiah, saiki giliran Ina Indayanti, garwané aktor Jeremy Thomas kang digosipaké duwé gayutan karo Damien.[1] Damien kang saiki lagi miwiti karir ning donya modelling ning Indonésia iki dikabaraké konangan mlaku lan mangan bareng karo Ina.[1]

Sawisé sempet perang argumentasi ning médhia, Damien lan Jupe sepakat kanggo rikat-rikat anggoné pegatan.[1] Ning awal Juli sakloron wis manggkat maring Perancis kanggo ngerampungaké masalah iku mau.[1]

Cathetan sukuBesut

  1. a b c d e f g h i j k l m n o p q biografi Damien Perez dipununduh tanggal 21 September 2011
  2. berita Damien Perez dipununduh tanggal 21 September 2011