Davydd Greenwood
Davydd Greenwood ya iku ahli antropologi saka Pueblo, Colorado, Amérikah Sarékat, kalairan ing tanggal 28 September 1942[1]. Pandhidhikané Davydd ing pawiyatan luhur iku naté ana ing Grinnell College (BA) ing taun 1964. Sabanjuré ana ing University of Pittsburgh lan olih gelar Ph.D. ing taun 1970. Panlitian sing linakoni ana ing Basque, Salamanca, La Mancha, Spanyol ing taun 1966[2], Oaxaca Meksiko ing taun 1966, Pennsylvania ing taun 1982, lan New York ing taun 1998[1]. Karya-karya akademis sing sinerat déning Davydd ya iku antarané Unrewarding Wealth: Commercialization and the Collapse of Agriculture in a Spanish Basque Town (taun 1976), ‘Culture by the pound: an anthropological perspective on tourism as cultural commoditization’ ana ing buku Hosts and Guests: The Anthropology of Tourism (ing taun 1989), Industrial Democracy as Process: Participatory Action Research in the Fragor Cooperative Group of Mondragón (ing taun 1992), lan Introduction to Action Research: Social Research for Social Change (ing taun 1998)[2]. Davydd iki kawentar minangka akademis antropologi kang konservatif. Dhèwèké uga ana pisumbangané ing institusi-institusi antropologi ana ing Èropah. Davydd fokus ing bab èkonomi pulitik, etnisitas lan nasionalisme, antropologi pariwisata, antropologi sujarah, antropologi kedhokteran, lan kagiatan panlitian partisipatori[3].
Rujukan besut
- ↑ a b Amit, Vered (2004). Biographical dictionary of social and cultural anthropology. London: Routledge. kc. 292. ISBN 020364459X. OCLC 436848672.
- ↑ a b "Davydd Greenwood | Anthropology Cornell Arts & Sciences". anthropology.cornell.edu (ing basa Inggris). Dibukak ing 2018-01-14.
- ↑ "Davydd Greenwood – Academography". academography.org (ing basa Inggris Amérika Sarékat). Dibukak ing 2018-01-14.