Delia Ecoutez

Delia Septianti (lair ing Jakarta, 1 Sèptèmber 1985; umur 35 taun) utawa kang duwé jeneng asli Amelia Septianti iku artis, penyanyi, lan panatacara Indonésia.[1] Dhèwèké iku anggota grup musik Ecoutez!.[1] Dhèwèké tau ngerilis album kang tajuké Ekute.[1] Ora mung dadi paraga ning sinétron, kaya ta Bunga Perawan, Sampai Mati Tetap Cinta, Anak Gudang, Luv lan Gerhana.[1]

Delia Septianti
Delia Septianti.jpg
Delia Septianti
LairDelia Septianti
Jeneng liyaDelia "Ecoutez!"
Pakaryanpemeran, vokalis, presenter

KarierBesut

Delia iku anggota saka grup musik jazz Ecoutez! kang nyekel posisi vokalis, uga tau ngrilis album EKUTE, dhèwèké uga tau dadi paraga ning sinétron, kaya ta Bunga Perawan, Sampai Mati Tetap Cinta, Anak Gudang, LUV, lan Gerhana, ning pegawéané dadi presenter bintang kalairan Jakarta, 1 September 1985 iki, tau ngawakaké acara kang judhulé Bakal Beken ning TPI, Hilight Otomotif ning TV7, Kuiz MotorGP ning TV7 lan Issu ning Global TV.[1]

Ning Fèbruari 2011, dhèwèké diapusi déning kancané dhéwé.[2] Amarga ngrasa jengkel karo urusan mbayar kang durung lunas, dhèwèké langsung ngabari pangacarané.[2] Dhèwèké kang dadi panatacara ning ajang Blok M Square Idol kang ditindakaké déning Blok M Square, dijuriné déning Arzetti (Bilbina), Pak Tatu saka Blok M Square, lan Imaniar.[2] Dhèwèké kang percaya amarga panitiyané iku kancané dhéwé ora curiga apa-apa.[2] Nanging pirang dina ora olih bayaran nggawé dhèwèké jengkel apa manèh ngerti manawa kancané mau namung nyambut gawé dadi marketing kang ngundang artis.[2] Artis liyané uga ora olih bayaran.[2]

Juni 2011, Delia ngerilis album bebarengan karo grup musik jazz-é, Ecoutez.[3] Kuwi mau sakaliyan kanggo mbantah wara-wara manawa grup band mau wis bubar.[3] Sasuwené setaun durung ngerilis album anyar ora berarti grup musik iki bakal bubar.[3] Proyek anyar lagi dikerjakaké, grup musiké uga label.[3] Wis rekaman 3 lagu, materiné wis ana kabèh.[3]

Cathetan sukuBesut

  1. a b c d e biografi Delia Septiana dipununduh tanggal 24 September 2011
  2. a b c d e f berita Delia Septiana dipununduh tanggal 24 September 2011
  3. a b c d e berita album Delia Septiana dipununduh tanggal 24 September 2011