Dewan Kesenian Jawa Tengah
Dewan Kesenian Jawa Tengah (DKJT) ya iku organisasi mitrané Pamarintah Provinsi Jawa Tengah kang digawé dhedhasar Surat Dudutan Gubernur Jawa Tengah No. 430/78/1993 tanggal 3 Agustus 1993. Layang kaputusan mau ngrujuk ing Instruksi Mantri Dalam Negeri (Inmendagri) No. 5A/1993 tanggal 27 Fèbruari 1993 babagan pangadekan dewan kesenian provinsi sa-Indonesia. Taun 2012, Ketua DKJT diemban déning guru besar Universitas Negeri Semarang, Prof. Dr. Rustono.[1][2][3][4]
Riwayat besut
Ana ing Instruksi Mantri Dalam Negeri (Inmendagri) No. 5A/1993 disebutké yèn saben pamarintah provinsi kang wis ngadegaké dewan kesenian supaya yasa gedung kesenian liwat Anggaran Pendapatan dan Belanja Daerah (APBD) kang cak-cakané dijumbuhaké karo kaanan lan situasi daerah siji lan sijiné. DKJT kang nalika kuwi diemban déning Prof. Ir. Eko Budihardjo, M.Sc. Ing wiwitané ora ngusulke pambangunan gedung kesenian, jalaran kahanané durung rena. Program kerja DKJT ing kepengurusan wiwitan ya iku mantepaké lan mapanaké anané organisasi kesenian kanthi ngrangkul sakpérang kalangan seniman lan budayawan kanggo mbuktekaké prestasi kang bisa nuwuhaké simpati lan sengkuyungan saka sakpérang pihak, mligi Pamarintah Daerah Provinsi Jawa Tengah. Mula saka kuwi, nganti tekané Musyawarah Daerah DKJT, 27-28 November 1996 ing Balaikota Semarang durung ana rembugan babagan pembangunan gedung kesenian, jalaran arep luwih nggatekaké pangadekané Dewan Kesenian Daerah (DKD) ing tingkat kabupatèn/kutha sa-Jawa Tengah. Program mau wiwit ana kasilé nalika dianakaké Musyawarah Daerah DKJT 12-13 Fèbruari 1999 ing Hotel Srondol Indah Semarang kanthi sokongan saka Gubernur Provinsi Jawa Tengah H. Mardiyanto (wektu kuwi), kang ndhawuhi supaya saben daerah kabupatèn lan kutha ing Jawa Tengah énggal-énggal ngedeksk'r dewan kesenian daerah. DKJT pungkasané ing taun 2001 ngusulaké proyek pembangunan Pusat Kesenian Jawa Tengah (PKJT) marang Pamarintah Provinsi Jawa Tengah. Usulan kuwi disarujuki déning Gubernur Mardiyanto lan Komisi E DPRD Jawa Tengah. Pusat kesenian kuwi dumunung ing Kompleks Taman Maerakaca, Tawangmas, Semarang, kang isiné téater tertutup, téater aréna, gladri seni rupa, wisma seni, lan mushala. Nanging, pembangunan wisma seni nganti saiki durung kalaksanan. Kabèh kegiyatan DKJT disokong déning sumber bantuan dana hibah saka Pamarintah Provinsi Jawa Tengah liwat Anggaran Pendapatan dan Belanja Daerah saben tauné.[5]
Komité besut
- Komité Sastra
- Komité Sinematografi
- Komité Jogèd
- Komité Seni Rupa
- Komité Téater
- Komité Musik
- Komité Informasi
Pratélan ketua besut
- Prof. Ir. Eko Budihardjo, M.Sc. memimpin DKJT tiga periode. Pertama dibantu sekretaris Drs. Yudiono KS, SU. Periode kedua dan katiga dibantu sekretaris Drs. Djawahir Muhammad, M.Pd.
- Dr. Bambang Sadono yang didampingi sekretaris Gunoto Saparie
- Prof. Dr. Rustono yang dibantu sekretaris Itos Budhy Santosa, S.Pd, M.Pd.
- Gunoto Saparie
Kagiyatan besut
- Panaliten
- Pangembangan
- Dhokumentasi
- Wahana apresiasi
- Pangiriman duta seni
- Penerbitan
Buku-buku besut
- Antologi Puisi Jawa Tengah (1994)
- Direktori Kesenian Tradisional Jawa Tengah (2001)
- Puisi-puisi Penyair Jawa Tengah (2010)
- Direktori Perupa Jawa Tengah (2010)
- Kembang Setaman (Antologi Geguritan Jawa Tengah, 2011)
- Direktori Pemusik Jawa Tengah (2011)
- Biografi Nartosabdho (2011)
- Jogèd Bambangan Cakil (2011)
- Direktori Komunitas Sastra Jawa Tengah (2014)
Uga delengen besut
Rujukan besut
- ↑ Seputar Semarang, dijupuk 31 Maret 2015
- ↑ Regional Kompas: Pengurus Dewan Kesenian Jawa Tengah Terbentuk, dijupuk 31 Maret 2015
- ↑ Lensa Indonesia: DKJT persiapkan draft Perda pembinaan kesenian Archived 2015-04-02 at the Wayback Machine., dijupuk 31 Maret 2015
- ↑ Situs resmi Universitas Diponegoro Semarang Archived 2017-02-12 at the Wayback Machine., dijupuk 31 Maret 2015
- ↑ Fajar Online: Dewan Kesenian Jawa Tengah Dukung Usulan RUU Bahasa dan Kesenian Daerah Archived 2016-03-05 at the Wayback Machine., dijupuk 13 Juni 2015
| Artikel iki minangka artikel rintisan. Kowé bisa ngéwangi Wikipédia ngembangaké. |