Dhompèt

Dhompèt ya iku piranti kanggo wadhah dhuwit. Lumrahé dhompèt kagawé saka bahan kulit, nanging ana uga sing kagawé saka bahan kain utawa plastik. Ukuran dhompèt uga warna-warna. Dhopèt sing digawa wong lanang racaké ukuran cilik supaya gampang digémbol ing sak. Dhompèt sing dianggo ibu-ibu racaké duwé ukuran rada gedhé supaya amot akèh dhuwit kanggo blanja.

Dhompèt
Dhompèt kanggo gawa paspor nalika lelungan

Saliyané kanggo wadhah dhuwit, dhompèt uga biyasa kanggo nyimpen kartu-kartu kaya déné kartu tandha sing ndunungi, kartu krédhit, kartu asuransi, kartu ATM, lan sapanunggalané.