Di Timur Matahari

Di Timur Matahari iku filem sandhiwara Indonésia kang digawé ing tanggal 14 Juni 2012. Filem iki digawé déning Ari Sihasale. Filem iki diparagani déning Laura Basuki lan Lukman Sardi.

Di Timur Matahari
Disutradarani	Ari Sihasale
Diprodhuseri	Ari Sihasale
Dibintangi	Laura Basuki Lukman Sardi Ririn Ekawati Ringgo Agus Rahman Michael Jakarimilena Putri Nere Lucky Martin Simson Sikoway Abetnego Yogibalom
Dibabar déning	Alenia Pictures
Tanggal metu	14 Juni 2012 (2012-06-14)
Nagara	Indonesia
Basa	Bahasa Indonesia

Ringkesan Crita

Ésuk iku kaya ésuk lumrahé. Srengéngé njedhul ing sisih wétan madhangi pulo iki. Papua, pulo wétan dhéwé Indonésia, kang cahya srengéngé tansah madhangi luwih dhisik. Nanging, ora kanggo Mazmur, Thomas lan kanca-kancané, ésuk iku dhèwèké lan kanca-kancané isih padha nunggu tekané cahya iku, cahya kang bakal madhangi wong-wong saka ing pepetengé sipat bodho, nanging kaya dina-dina kang wis kelakon cahya iku ora teka ya iku GURU!

Mazmur saben dina tansah nunggu tekané guru pangganti ing sawijining papan anggegana lawas, ya iku siji-sijiné papan kang bisa nggayutaké kampung iku saka kauripan ing njaba. Kampung kang dumunung ing laladan pagunungan tengah Papua, ya iku laladan kang cukup angel diparani. Ésuk iku dhèwèké nyawang kanthi kebak pangarep-arep ing langit, muga-muga dina iku ana motor mabur kang teka lan nggawa guru pangganti amarga wis 6 sasi ora ana guru kang mulang. Sawisé Mazmur nguncalaké panyawangé marang bapak Yakob, sawijining pria wis umur kang isih njaga tradhisi, lan saka bapak Yakob, Mazmur ngerti menawa guru ora bakal teka. Dhèwèké banjur lumayu menyang sekolah lan mènèhi kabar kanca-kancané, Thomas, Yokim, Agnes lan Suryani kang tansah setya nunggu kabar iku.

"Guru pangganti durung teka. Awaké dhéwé nyanyi waé," ukara iku maneh sing metu saka tutuke Mazmur.

Amarga guru ora tau teka wusanané bocah lima kasebut golèk piwulangan ing alam lan lingkungan. Liwat pandhita Samuel, ibu dhokter Fatimah, Om Ucok lan Om Jolex bocah-bocah kasebut oleh akèh kawruh. Nanging, kedadéan ngowahi kabèh iku, bapaké Mazmur dipateni déning Joseph, bapaké Agnes, lan pak lik saka Yokim lan Suryani.

Tawuran antar-kampung ora bisa diinggati. Kabar sedané Blasius, bapaké Mazmur tekan Michael, adhi saka Blasius kang wiwit cilik dijupuk déning mama Jawa kang manggon lan sinau ing Jakarta. Michael kagèt krungu kabar iku, banjur bareng Vina bojoné, dhèwèké mutusaké kanggo bali menyang Papua lan nyoba ngrampungaké kanggo masalah iki. Nanging ora gampang kaya kang dipikiraké, amarga adhi ragilé Alex nentang kabèh pikiran maju saka Michael. Perang! Iku dalan siji-sijiné kanggo Alex kanggo mbales sedané Blasius. Wong diwasa bisa waé tawuran, nanging ora kanggo Mazmur, Thomas lan telu kanca raketé, sanadyan kampungé lagi musuhan, bapak Mazmur dipaténi déning bapaké Agnes, nanging bocah-bocah kasebut tetep kekancan lan ngupaya nyawijekaké loro kampung iki.

Pangaji

Samson Sikoway, minangka paraga Mazmur, éntuk pangaji Indonesia Film Awards (IMA) 2013, minangka paraga bocah apik dhéwé, Samson mratelakaké pangaji kasebut kanggo kabèh bocah Papua. Miturut dhèwèké, pangaji sing diéntukaké iku minangka gumregah kanggo ora gampang nyerah.