Elias Howe
Elias Howe ya iku penemu mesin jait.[1] Howe lair ing Spencer, Massachussets, Amérikah Sarékat, nalika tanggal 9 Juli 1819.[1] Nalika isih cilik, Howe kerep ngrewangi bapake kang nyambut gawé minangka tani.[1] Wiwit cilik, Howe wis duwé kesenengan ngeneni mesin.[1] Nalika umue ngancik 16 taun, Howe, kang ora tamat anggoné sekolah mau, ditampa nyambut gawé ing pabrik mesin kapuk kang ana ing Lowell, Massachussets, minanka nimpuna mesin magang.[1] Kanggo nambahi pengalamane, dhèwèké banjur ngalih nyambut gawé ana ing pabrik jam dhindhing ing Boston, lan ngalih manèh ana ing pabrik instrumen ilmiah ing Cambridge.[1] Nalika nyambut gawé ing Cambridge, Howe krungu omongan yèn sapa kang gawé mesin jait, dhèwèké bakal dadi jutawan lan misuwur.[2] Nalika iku, pancen mesin jait durung ana.[2] Kegiyatan jait uga isi nggunanake tangan.[2] Omongan mau bener-bener nyanthol ana ing atine Howe, nganti pungkasane Howe péngin banget gawé mesin jait.[2] Taun 1940, Howe kawin lan duwé anak.[2] Howe kerep lara mula bojone kudu nyambut gawé kanthi njait sandhangan.[2] Nalika ngerti bojone jait, Home ngamati bojone.[2] Ing kono Howe péngin gawé msein jait.[2] Kira-kira limang taun candhaké, Howe ngupaya kanggo nyipta mesin jait.[2] Mesin jait kang wiwitan ora dadi, nanging amarga semangat anggoné nyipta mesin jait, taun candhaké dhèwèké kasil angone nyipta mesin mau.[2] Mesin jait mau dipatenake nalika taun 1846.[2] Durung ana wong kang seneng karo mesin mau amarga masarakat padha nganggep manawa mesin jait ya iku mesin kang angèl anggoné nggunakaké .[2] Bajur, nalika taun 1847, Howe lunga menyang Ingris lan ngedol mesin mau marang William Thomas kanthi rego murah.[2] Willian Thomas njaluk marang Howe supaya nyempurnakake mesine mau.[2] Nanging Willian Thomas malah ndakik marang Howe, nganti pungkasane Howe dadi mlarat.[2] Banjur Howe bali menyang kampunge manèh.[2] Nanging nalika tekan omah, bojone tinggal donya amarga lara nemen.[2] Saliyané iku, uga akèh kumpeni kag niru panemone Howe.[2] Hak patene Howe dadi ilang.[2] Bajur Howe nuntut hake manyang pengadilan.[2] Anggoné nuntut kira-kira 13 taun suwéné.[2] Pungkasae Howe kasil anggoné ngrebut patene mau.[2] Banjur Howe dadi jutawan lan kasil mbagun pabrik mesin jait kanthi aran Howe Machine Company.[2]
| Elias Howe | |
|---|---|
 | |
| Lair | 9 Juli 1819 Spencer, Massachusetts |
| Pati | Oktober 3, 1867 (umur 48) Brooklyn, New York |
| Bangsa | American |
| Wiyata | apprenticed as mechanic and machinist |
| Bojo | Elizabeth Jennings Ames (m. 1841; d. 1850) Rose Halladay (d. 1890) |
| Anak | Jane Robinson Howe, Simon Ames Howe, Julia Maria Howe |
| Wong tuwa | Elias Howe lan Polly (Bemis) Howe |
| Karya | |
| Disiplin Enjiniring | Mechanical Engineering |
| Proyèk wigati | mesin jait |
| Kamajuan wigati | lockstitch loop method |
| Bebungah wigati | Medhali emas, Paris Exposition of 1867, Légion d'honneur (Prancis) |