Facebook iku situs jaringan mungguhing jejaring sosial kang diluncuraké tanggal 4 Fèbruari 2004 lan diyasa Mark Zuckerberg, lulusan Harvard lan manten murid ing Ardsley High School. Tata anggotané Facebook wiwitané diwatesi mligi kanggo siswa-siswa saka Harvard College. Rong wulan candhaké, tata anggotané dibukak kanggo siswa-siswa pawiyatan-pawiyatan liyané kaya ta: Boston (Boston College, Boston University, MIT, Tufts), Rochester, Stanford, NYU, Northwestern, lan kabèh pawiyatan ing sajeroning Ivy League. Manéka warna pawiyatan luhur banjur ditambahaké ing dalem sataun sawisé luncurané iku. Wusana, wong-wong kang duwé alamat layang-èl sawijining universitas (kaya déné.edu,.ac.uk, lsp.) saka saindenging donya uga bisa gabung ing situs iki.

Facebook, Inc.
TypePerusahaan katutup
IndustryInternet
FoundedCambridge, Massachusetts
(4 Fèbruari 2004)
HeadquartersPalo Alto, California
Key people
Mark Zuckerberg, Pangadeg lan CEO
Dustin Moskovitz, Pangadeg lan Wakil Présidhèn Teknis
Owen Van Natta, COO
Matt Cohler, Wakil Présidhèn Strategi lan Operasi Bisnis
Chris Hughes, Pendhiri
Revenue100 yuta ASD[1] (estimasi 2006)
Number of employees
300+ (Juli 2007)
Websitewww.facebook.com

Sabanjuré, uga dikembangaké jaringan kanggo pawiyatan-pawiyatan luhur lan sawatara kumpeni gedhé. Wiwit 11 Sèptèmber 2006, wong kang duwé alamat layang-èl apa waé bisa ndhaftar ing Facebook.[2] Sing nganggo Facebook bisa milih gabung siji utawa luwih jaringan kang ana, kaya ta jaringan dhedhasar asal pawiyatané, papané nyambut gawé, utawa wewengkoné géografis.

Nganti Juli 2007, kang kadhaftar nganggo situs iki gunggungé gedhé dhéwé ing antarané situs-situs liyané kang kawigatèné ing babagan pawiyatan, ya iku punjul 34 yuta anggota aktif saka saindenging donya.[3] Wiwit Sèptèmber 2006 nganti Sèptèmber 2007, urutané mundhak saka urut 60 dadi urut 7 minangka situs kang paling kerep dibukak,[4] lan minangka situs angka siji ngenani foto ing Amérika Sarékat kanthi 8,5 yuta foto dimot saben dinané, ngungkuli situs umum liyané kaya ta Flickr.[5][6]

Cathetan sikil besut

  1. Arrington, Michael (2006). "Yahoo's "Project Fraternity" Docs Leaked". TechCrunch. Dibukak ing 6 Juni 2007.
  2. "Facebook: The Newest Fad in Marketing" (HTML). Thinkubator: Facebook, the latest fad in marketing. Dibukak ing 25 Juli 2007.
  3. Maestri, Nicole (8 Agustus 2007). ""Wal-Mart using Facebook to win back-to-school sales"" (news).{{cite web}}: CS1 maint: date and year (link)
  4. "Related info for: facebook.com/". Alexa Internet. Diarsip saka sing asli ing 2007-11-11. Dibukak ing 2009-03-21.
  5. Doug Beaver (2007). "Facebook Photos Infrastructure" (html). Facebook Weblog. Facebook. Dibukak ing 30 Mèi 2007.
  6. Donna Bogatin (2007). "Why Facebook Is Scarier than Google". ZDNet Blogs-Digital Markets. CNET Networks. Diarsip saka sing asli (html) ing 2007-06-01. Dibukak ing 28 Mèi 2007.

Pranala njaba besut