Festival Hari Puisi Indonesia

Festival Hari Puisi Indonesia ya iku adon-adon ing babagan kasusastran kang dianakaké déning Yayasan Hari Puisi, nggandhèng karo ariwarta Indopos. Adicara iku digagas déning Rida K. Liamsi lan wiwit dicakaké taun 2014, ing Teater Kecil Taman Ismail Marzuki. Telung warna bebungah kang diparingaké ing Festival Hari Puisi Indonesia ya iku buku kumpulan geguritan paling apik, pamaca gefuritan paling apik, lan musikalisasi geguritan paling apik.

Sing Menang

Ing pungkasan adicara Festival Hari Puisi 2014, dewan juri adon-adon buku kang diayahi déning Sutardji Calzoum Bachri, Abdul Hadi WM, lan Maman S Mahayana milih lima pamenang lan siji panampa bebungah buku puisi. Lima kang menang ya iku D. Zawawi Imron (Air Terisak Membelah Batu), Hasta Indrayana (Piknik Yang Menyenangkan), Iverdixon Tinungki (Matakara), Isbedy Stiawan ZS (Menuju Kota Lama), lan Ni Made Purnama Sari (Bali Borneo). Lan M. Anton Sulistyo liwat bukuné, Belum Dalam Lukamu, didhapuk minangka nampa pangayubya buku geguritan 2014 kang bakal nampa dhuwit 50 yuta rupiah lan piala.

Ing adon-adon maca geguritan, kang menang ya iku Oktavianus Marsheka, Irfan Hakim, lan Harna Silwati. Dewan juriné ya iku Remy Silado, Leon Agusta lan Aspar Paturusi milih telu kang menang saka 26 panyarta kang sadurungé kapilih saka 250 panyarta. Déné musikalisasi geguritan kang disengkuyung déning Komunitas Musikalisasi Puisi milih Bale Art Project minangka juara siji. Juara loro lan teluné, ya iku Grup Sanggar Tudung Pelite lan Vanderwijck 7.

Uga delengen

• Taman Ismail Marzuki
• Sastra Indonesia