Taman Ismail Marzuki

Pusat Kesenian Jakarta Taman Ismail Marzuki kang populèr ingaran Taman Ismail Marzuki (TIM) dumunung ing dalan Cikini Raya 73, Jakarta Pusat, minangka sawijining punjer kesenian lan kabudayan. Ing papan iki dumunung Institut Kesenian Jakarta lan Planètarium Jakarta. Kajaba iku, TIM uga duwé enem téater modhèren, balai pameran, \bgladri\b, gedhong arsip, dan biyoskup.

Acara-acara kagunan lan budaya dianakaké kanthi rutin ing punjer kesenian iki, kalebu pamentasan drama, jogèd, wayang, musik, pamacan gurit, pamèran lukisan lan tontonan filem. Manéka jinis kesenian tradhisional lan kontèmporèr, kang wujud tradhisi asli Indonésia lan saka mancanegara uga bisa tinemu ing panggonan iki.

Jeneng punjer kesenian iki dijupuk saka jeneng kang ngréka lagu misuwur Indonésia, Ismail Marzuki.

Sajarah

PKJ – TIM dumunung ing Dalan Cikini Raya 73, Jakarta Pusat. Diresmèkaké déning Gubernur Pamaréntah Dhaérah Provinsi DKI Jakarta Jenderal Marinir Ali Sadikin, tanggal 10 Novèmber 1968. Jeneng TIM njupuk saka asama Ismail Marzuki (1914 – 1957), komponis pejuang kelairan Batawi (Jakarta) kang wis ngripta punjul 200 lagu antarané wujud lagu-lagu perjuangan bangsa kang nganti saiki isih sok kerep keprungu. Lagu-lagu riptané antarané, lagu Halo-Halo Bandung, Berkibarlah Benderaku, Nyiur Melambai, Sepasang Mata Bola.

TIM diyasa ing sadhuwuring lemah kang jembaré sangang hèktar. Biyèn papan iki kaloka minangka ruwang rekreasi umum Taman Radèn Salèh (TRS)^[1].

Fasilitas

Graha Bhakti Budaya
Gladri Cipta II lan Gladri Cipta III
Téater Kecil/Téater Studio
Téater Halaman (Studio Pertunjukan Kagunan)
Plaza lan Halaman

Rujukan

↑ "Situs TIM". Diarsip saka sing asli ing 2010-03-05. Dibukak ing 2011-05-02.

Pranala njaba

situs resmi Archived 2007-12-19 at the Wayback Machine.

[1] "Situs TIM". Diarsip saka sing asli ing 2010-03-05. Dibukak ing 2011-05-02.

[1]