Abdul Hadi WM
Prof. Dr. Abdul Hadi WM (ingkang miyos wonten ing Sumenep, Madura, Jawa Wétan, ing tanggal 24 Juni 1946; mangkat 19 Januari 2024) inggih punika salah satunggaling sastrawan, pujangga, budayawan lan ahli filsafat Indonésia. Piyambakipun inggih misuwur kanthi asiling karya-karyanipun ingkang gadhah nuansa sufistik, panalitèn-panalitènipun ing babagan sastra Melayu Nusantara lan pamanggihipun ngèngingi Islam lan pluralisme.
| Abdul Hadi WM | |
|---|---|
 | |
| Lair | 24 Juni 1946 Cianjur, Jawa Barat |
| Pati | Januari 19, 2024 (umur 77) |
| Basa | Basa Indonésia |
| Bangsa |  Indonésia |
| Suku | Madura |
| Warga nagara | Indonésia |
Biografi
besutAbdul Hadi WM miyos saking garis keturunan sodagar saking Tionghoa ingkang ijrah lan dumunung netep ing Sumenep.[1] Bapakipun gadhah padamelan dados sodagar lan guru basa Jerman ingkang asma K. Abu Muthar lan rabi kaliyan putri kraton Sala ingkang nama RA Martiya.[1] Abdul Hadi WM inggih punika minangka putra pambarep saking sekawan sedhèrèkipun ingkang sedayanipun tiyang jaler. Piyambakipun wiwit alit inggih sampun asring remen maos waosan ingkang wosipun awrat saking para pamikir-pamikir kados ta Plato, Sokrates, Imam Ghazali, Rabindranath Tagore, lan Muhammad Iqbal.[1] Wiwit alit, piyambakipun ugi sampun tresna kaliyan manéka warna puisi lan dunya seratan.[1] Asiling seratanipun lajeng dipunsampurnakaken déning karya-karyanipun Amir Hamzah lan [1] Sesarengan kaliyan kanca-kancanipun, Zawawi Imron lan Ahmad Fudholi Zaini, Abdul Hadi ndhirikaken stunggaling pesantren ing kitha miyosipun ing taun 1990 ingkang lajeng dipunparingi nama "Pesantren An-Naba", ingkang ngewrat masjid, asrama, lan sanggar seni wondene ing papan punika para santri dipunwulang sastra, seni rupa (kalébet ing lebetipun kanggé mahat lan damel aptung), désain, kaligrafi, mengukir, keramik, musik, seni suara, lan drama.[2]
Pendhidhikan
besutAbdul Hadi WM ngrampungaken pendhidhikan dhasaripun lan sekolah menengah pertamanipun wonten ing kitha miyosipun.[3] Nalika badhé mlebet sekolah menengah atas, Abdul Hadi pindhah saking kitha miyosipun dhateng Surabaya kanggé sinau pados ngèlmu ing kitha mau.[3] Piyambakipun lajeng sinau mendhet pendhidhikan ing Fakultas Sastra, Universitas Gadjah Mada, Yogyakarta ngantos nggayuh sarjana mudha, lajeng piyambakipun pindhah sekolah dhateng studi filsafat barat ing universitas Gadjah Mada nanging boten rampung anggènipun sekolah.[3] Lajeng piyambakipun pindhah wonten ing Fakultas Sastra, Universitas Padjadjaran, Bandung lan mendhet program studi Antropologi.[3] Lajeng ing wekdal satunggal taun wiwit 1973-1974, Hadi dumuning ing Iowa, Amérikah Sarékat kanggé ndhèrèk International Writing Program ing University of Iowa, lajeng ing Hamburg, Jerman dangunipun mapinten-pinten taun kanggé nyinaoni kanthi tumemen ing bab sastra lan filsafat.[1] Ing taun 1992, piyambakipun pikantuk kalodhangan kanggé sekolah lan mendhet gelar master lan dhoktor filsafat saking Universiti Sains Malaysia ing Penang, Malaysia, lan ing wekdal sesarengan piyambakipun ugi dados dhosèn ing universitas mau.[1] Sak rampungipun wangsul dhateng Indonésia, Hadi pikantuk tawaran saking kanca lawasipun, Nurcholis Madjid kanggé mucal ing Universitas Paramadina, Jakarta, lan piyambakipun dipunadadosaken Guru Besar Falsafah lan Agama ing taun 2008 ing universitas mau.[4]
Bebungah
besut- Bebungah Puisi Terbaik II Majalah Sastra Horison (1969)[1]
- Bebungah Buku Puisi Terbaik Dewan Kesenian Jakarta (1978)[1]
- Anugerah Seni Pamaréntah Republik Indonesia (1979)[1]
- South-East Asia (SEA) Write Award, Bangkok, Thailand (1985)[1]
- Anugerah Mastera (Majelis Sastra Asia Tenggara) (2003)[1]
- Penghargaan Satyalancana Kebudayaan Pamaréntah Republik Indonesia (2010) [5]
Seratan ngèngingi Abdul Hadi WM
besut- "Naturmagie und Sufismus-Gedichte des indonesischen Lyrikers Abdul Hadi W.M.", wonten ing Orientierungen 1/1991, S. 113-122.
- "Struktur sajak penyair Abdul Hadi W.M." (1998) olèh Anita K. Rustapa
- "Mysticism reborn? — The poet Abdul Hadi W.M." (1974) olèh Christine Deakin
- "Arjuna in meditation: three young Indonesian poets: selected verse of Abdul Hadi W.M., Darmanto Jt & Sutardji Calzoum Bachri", (1976) Writers Workshop, Calcutta.
Cathetan suku
besut- ↑ a b c d e f g h i j k l ":: Profil Abdul Hadi W.M. di Taman Ismail Marzuki::". Diarsip saka sing asli ing 2010-05-17. Dibukak ing 2011-04-03.
- ↑ ":: Majalah Tempo: Kesenian di Pesantren::". Dibukak ing 2011-04-03.
- ↑ a b c d ":: "Apa dan Siapa"-Pusat Data Tempo::". Diarsip saka sing asli ing 2007-09-27. Dibukak ing 2011-04-03.
- ↑ ":: Harian Suara Karya-Pengukuhan Prof. Dr. Abdul Hadi W.M.::". Dibukak ing 2011-04-03.[pranala mati permanèn]
- ↑ ":: Menbudpar Sematkan Satyalencana Kebudayaan 2010 ::". Dibukak ing 2011-04-03.
Pranala njaba
besut- Profil Abdul Hadi WM di Pusat Data dan Analisis Tempo (memerlukan pendaftaran) Archived 2007-09-27 at the Wayback Machine.Cithakan:Deadlink
- Profil Abdul Hadi WM di situs Taman Ismail Marzuki Archived 2010-05-17 at the Wayback Machine.
- Profil singkat di Pusat Basa Diknas[pranala mati permanèn]
- Jaringan Islam Liberal - Abdul Hadi WM: Seni Tak Bisa Dihalal-Haramkan Archived 2012-02-09 at the Wayback Machine.
- Eramuslim.net - Abdul Hadi WM: Islam itu Bukan Kebudayaan Arab
- Wawancara dengan Sastra Indonesia: Seni itu Kendaraan Naik Archived 2011-11-16 at the Wayback Machine.
- Wawancara dengan Perspektif Baru
- Wawancara dengan Republika Archived 2011-09-25 at the Wayback Machine.
- Pengukuhan Guru Besar Abdul Hadi WM di Suara Karya[pranala mati permanèn]
- Kompas: Abdul Hadi WM dalam Sastra Sufistik
- Ulasan harian Republika Archived 2013-07-31 at the Wayback Machine.
- Penghormatan untuk Abdul Hadi WM Archived 2022-09-25 at the Wayback Machine.