George Dalton
George Dalton ya iku ahli antropologi saka Brooklyn, New York, Amérikah Sarékat, kalairan 2 Agustus 1926[1][2]. George naté olèh pandhidhikan ing Indiana University (BA). Sabanjuré dhèwèké olèh gelar MA saka ing Columbia University lan Ph.D saka University of Oregon. George naté nglakoni panlitian lapangan antropologis ana ing Indhi, Liberia, lan Afrika Tengah[1][2]. Saka panlitiané kuwi, dhèwèké wis nulis karya-karya akademis, kaya déné Markets in Africa (simposiun kang wis dibesut déning Paul Bohannan) taun 1965, Economic Anthropology and Development: Essays on Tribal and Peasant Economies taun 1971, lan Economic Systems and Society: Capitalism, Communism and the Third World taun 1974[3]. George iki fokus lan karenan ing bab antropologi ékonomi lan pangembangan ékonomi. Idé-idé ing bab ékonomi iki dumasar saka ing idéné Karl Polanyim ahli antropologi ékonomi kang wis kawentar sedurungé[1]. Pisumbangan dhèwèké ya iku ing medharaké dimènsi sosial budhaya saka ing aktivitas ékonomi[3]. George séda ing taun 1991 ing Chicago, Illinois, Amérikah Sarékat[1].
Rujukan besut
- ↑ a b c d Biographical Dictionary of social and cultural anthropology. London: Routledge. 2004. kc. 150–151. ISBN 020364459X. OCLC 436848672.
{{cite book}}:|first=missing|last=(pitulung) - ↑ a b "George Dalton". Dibukak ing 2017-12-28.
- ↑ a b "George Dalton, Economics Professor". tribunedigital-chicagotribune (ing basa Inggris). Dibukak ing 2017-12-28.