Gianni Versace

Gianni Versace (palafalan jroning basa Italia: [ˈdʒanni verˈsaːtʃe], born Giovanni Maria Versace; lair ing tanggal 2 Dhésèmber taun 1946  –   pati ing tanggal 15 Juli 1997) ya iku fèsyen desainer saka Italia lan nara yasané Versace, sawiji omah fèsyen internasional, sing ngeproduksi aksèsoris, ambar-ambar, piranti rias lan perabot omah uga klambi-klambi. Dhèwèké uga ngedesain kostum-kostum kanggo téater lan filem-filem. Mingka kancané Eric Clapton, Diana, Princess of Wales, Naomi Campbell, Madonna, Elton John, Cher, Sting lan sèlèbriti-sèlèbriti akèh liyané, dhèwèké iku desainer kapisan sing nggandhèngaké fèsyen marang donya musik. Ngaku manawa dhèwèké homo, Versace lan garwané Antonio D'Amico iku dhayoh-dhayoh langganan ing pista-pista internasional. Versace kepati ing njaba omahé dhèwèké ing pasisir Miami, sing sadurungé dikenal minangka Casa Casuarina saiki diarani "The Villa," nalika umuré uwis 50 taun déning Andrew Cunanan.

Awal kauripané

Gianni Maria Versace lair ing Reggio Calabria, Itali, tanggal 2 Dhésèmber taun 1946. Ana kono dhèwèké gedhé karo kakangé Santo lan adhiné Donatella, karo bapaké lan ibuné sing tukang gawé gaun ya iku, Francesca. Asliné dhuwé kakang wédok, nanging mati nalika umuré isih rolas taun amarga infèksi tétanus sing ora dirawat tenanan.

Dhèwèké diparibawani déning sujarah kuna bangsa Yunani, sing mengkoni laladan historis lemah lairé. Dhèwèké nggolèk èlmu ing Liceo Classico Tommaso Campanella, ana kono sianu basa Latin Yunani kuna. Dhèwèké uga diparibawani déning Andy Warhol. Versace anyak maguru nalika isih enom marang ibuné sing dagang ing jejaitan, sing uwis makaryakaké punjul lusinan penjait-penjait wédok. Dhèwèké nyinaoni arsitèk sadurungé pindhah menyang kutha Milan nalika umuré 26 taun supaya bisa kerja ing fèsyen desain.