Grojogan Tapel Jaran
Grojogan Tapel Jaran utawa Horseshoe Falls, uga dikenal minangka Grojogan Kanada, iku grojogan ing Kali Niagara, dumunung akèh-akèhé ing tlatah Kanada ing tapel wates karo Amérikah Sarékat. Grojogan iki dumunung ing anatara "Titik Terrapin" ing Pulo Wedhus ing New York, lan "Table Rock House" ing Ontario.
Jeneng grojogan iki saka wanguné sing mlengkung kaya wangun tapel jaran sing dawané 671 mèter (2,200 ft). Ana ing tengahé, jeroné watara 3 mèter (10 ft). Banyu ngliwati lengkungan iki kanthi kacepetan watara 32 km/jam (20 mph). Grojogan iki dhuwuré 53 mèter (173 ft), ngadep ngalor. Jeronya banyu ing dhasar kali luwih jero tinimbang dhuwuré grojogan, ya iku watara 56 mèter (184 ft).
Grojogan Tapel Jaran iki dianggep paling nyengsemaké antarané telung grojogan sing minangka Grojogan Niagara. Watara 90% saka banyu Kali Niagara mili ngliwati grojogan iki, déné 10% liyané mili menyang Grojogan Amérika.
