Gunung Daik

Gunung Daik inggih punika Gunung ingkang mapan ing Pulau Lingga, Kabupatèn Lingga, provinsi Kapuloan Riau, Indonésia. Gunung punika inggilipun 1.i65 mdpl punika gadhah titikan ingkang khas inggih punika kanthi wontening 3 cabang sarta minangka gunung paling inggil ing Kapuloan Riau. Gunung mati punika katingal ijem amarga wit-witan manawi dipuntingali saking katebihan. Amargi unik, gunung punika kalebet salah satunggal gunung ingkang kathah narik kawigatosanipun para pandhaki gunung kanggé nyobi tantangan minggah ing Gunung punika, saéning wonten ing lebet nagari utawi luwar nagari.

Gunung Daik
Èlevasi	1,165 metres (3,822 ft)

Wondéné makaten déréng wonten ingkang mampu kanggé nggayuh pucuk gunung punika amarga kaanan pucuk ingkang terjal saha sèla ingkang remuk, sanèsipun taksih kathah misteri ingkang kasimpen ing gunung punika. Sampun dipunmangertosi masarakat umum manawi ing gunung mau kathah dipunpanggoni kaliyan tiyang bunian.

Jaréné biyén tiyang bunian ingkang mapan ing gunung Daik asring awor kaliyan masarakat kampung sakitar, ingkang utami rikala wonten adicara kawinan, ngantos manawi wonten hajat ing adicara kawinan mau. Gunung Daik gadhah tiga puncak:

1. Gunung Daik.
2. Gunung Pejantan.
3. Gunung Cindai Menangis.

Kathah masarakat ingkang ngampil pinten-pinten piranti milai saking emas saha pérak ngantos piranti masak saha kawinan, tamtu kemawon lumantar ritual tartamtu. Nanging amargi wonten sapérangan masarakat ingkang boten mangsuli sapérangan piranti ingkang sampun dipunampil mau ndamel tiyang bunian gela saéngga sapunika gegayutan saé antawisipun milai tebih. Wallahu'alam.

Ical saking sadaya punika, gunung Daik gadhah daya tarik piyambak kanthi gadhah 3 cabang, vegetasi ingkang tumbuh ijem, kathah pinten-pinten jinis manuk sarta kwéan sanséipun ingkang wonten ing ngriku, sarta kaéndhahan curug ingkang nantang kanggé dipuncobi.

Gunung Daik ing Kabupatèn Lingga misuwur minangka salah satunggaling papan wisata alam ingkang wonten ing Indonésia. Sanséipun sampun dipundadosaken cariyos wonten ing parikan klasik saha dados inspirasi asal usulipun kutha Lingga. Gunung Daik bercabang tiga Patah satu tinggal dua Orang Daik mengada - ada Macam orang nak dengan dia

Parikan ing inggil punika parikan jenaka ingkang asring dipun-ginakaken déning para remaja jaman biyén kanggé ngungkapaken raos panolakan kanggé lawan jinis ingkang nembé katresnan. Gunung Daik pancén dados sumber pandamelan parikan.

Margi pandhakian dipunwiwiti saking gapura pandhakian Gunung Daik ing dhusun Sepincan, salajengipun kanggé tumuju Gazebo sapindha kanthi jarak 4 km sarta mbetahaken wekdal kinten-kinten 2 jam. Sasampunipun dugi wonten ing Gazebo, salajengipun tumuju pangkal cabang puncak Gunung Daik, kanthi margi minggah, margi punika saged kalampahan kinten-kinten 2 jam.

Uga delengen

• Pratélan gunung ing Indonésia