Gurat sisi

Gurat sisih (Ingg.: lateral line, Lat.: linea lateralis) ya iku kaya déné indera peraba kang ana ing kéwan-kéwan vertebrata akuatik, utamanw ing iwak. Indera iki padatan kanggo ngerteni owahing getaran lan perobahan ing kolom banyu ing sakiteré. Kaprigelan ngindra iki mbok manawa awit anané modifikasi sèl-sèl epitelial, kang dikenal minangka sèl-sèl rambut, kang bisa ndeteksi pergeseran utawa perpindahan massa banyu akibat perobahan iwak utawa obahan liyané, lan ngowahine dadi impuls listrik lumantar sawijining sinapsis panampa rangsang.

Lukisan gurat sisih ing iwak cucut

Sederetan sisik kanthi gurat sisih (tengah) ing iwak Rutilus rutilus.

Gegayutan karo fungsine, gurat sisih duwé peran wigati ing orientasi lingkungan, perilaku nggrombol, lan uga predasi. Ikan pemangsa tuladhané, kanthi migunakaké gurat sisih, bisa ngindra lan nglacak mangsane lumantar jejak vorteks, ya iku kaya déné turbulensi banyu kang ditinggalake iwak nalika nglangi rikat.

Gurat sisih, kaya déné arane, padatan keton minangka garis samar-samar ing sisih badan iwak, saka wewengkon sakiwa-tengené operkulum (tutup angsang) tekan mburi badan nganti pucuk buntut. Ing sapérangan spésies, organ pengindera ing gurat sisih iki owah fungsi dadi kaya déné elektroreseptor kang bisa ndeteksi impuls listrik ing kiwa-tengené iwak. Akeh-akèhé larva amfibia, lan uga diwasa saka sapérangan jinisé kang sejatine akuatik, ana sistem indera peraba mekanosensitif kang setara karo gurat sisih.

Rujukan

• Popper, A. N.; Platt, C. (1993). "Inner ear and lateral line of bony fishes". Ing Evans, D. H (èd.). The Physiology of Fishes (édhisi ka-1st). CRC Press. kc. 99–136. ISBN 978-0-8493-8042-6.
• Schellart, Nico A. M.; Wubbels, René J. (1998). "The Auditory and Mechanosensory Lateral Line System". Ing Evans, David Hudson (èd.). The Physiology of Fishes (édhisi ka-2nd). CRC Press. kc. 283–312. ISBN 978-0-8493-8427-1.