Kalistrikan yaiku sipat barang kang metu saka anané momotan listrik.[1] Listrik uga bisa ditegesi kaya ing ngisor iki:

  • Listrik yaiku kaanan saka partikel subatomik tartamtu, kaya elektron lan proton, kang nyebabake narik lan mentale gaya ing antarané.[1]
  • Listrik yaiku sumber ènergi kang disalurake jalaran kabel.[1] Arus listrik ana amarga ana momotan listrik kang ngalir saka saluran positif menyang saluran négatif.[1]
Petir salah sijiné wujud listrik

Bareng karo magnetisme, listrik nggawe interaksi fundamental kang diarani elektromagnetisme.[2] Listrik bisa kedaden amarga akèh fenomena fisika kang akèh dingerteni, kaya petis, medan listrik lan arus listrik.[2] Listrik digunakaké ing indhustri kaya elektronik lan tenaga listrik.[2]

Sipate listrik besut

Listrik nyebabake munggahe patang gaya dhasar kang alami lan sipaté kang ajeg ing barang kang bisa diukur.[2] Ana ing kasus iki, frasa “jumlah listrik” uga digunakaké frasa “momotan listrik” lan uga “jumlah momotan”.[2] Ana rong jinis momotan listrik yaiku positif lan négatif.[2] Saka eksperimen, momotan kang padha jinisé bakal padha-padha nulak lan momotan kang béda jinisé bakal tarik-tarikan.[2] Gedhé ne gaya tarikan lan tulakan iku dikukuhaké déning hukm Coulomb. Ana efek saka listrik kang dirembug ing fenomena listrik lan elektromagnetik.[2]

Satan uni SI saka momotan listrik yaiku coulomb, kang duwé singkatan “C”.[2] Simbole Q digunakaké ing persamaan kanggo ngewakili kuantitas listrik utawa matan.[2] Tuladhané, “Q=0,5 C” tegesé “kuantitas momotan listrike yaik 0,5 coulomb”.[2]

Yèn listrik ngalir saka bahan mirunggan, kaya wolfram lan tungsten, cahya pijar kang dipancarake déning logam iku.[2] Bahan-bahan kaya ngono dianggo ing lampu bohlam.[2]

Saben listrik ngalir mawa bahan kang ora duwé hambatan, mula bakal diculake panas.[1] Saya gedhé arus listrike, mula panas kang metu bakal san saya dhuwur.[1] Sipat iki dianggo ing elemen setrika lan kompor listrik.[1]

Cathetan suku besut

  1. a b c d e f g pengertian listrik (dipunundhuh tanggal 2 Januari 2013)
  2. a b c d e f g h i j k l m pengertian arus listrik Archived 2012-11-28 at the Wayback Machine. (dipunundhuh tanggal 2 Januari 2013)