Gyūdon

Gyūdon (牛丼, sapi, mangkuk) utawa beef bowl iku salah siji masakan saka Jepang lan isih kalebu jinisé Donburi. Gyūdon iku wujud sega putih kang diwadhahi mangkuk, dhuwure diwènèhi irisan daging sapi pérangan weteng sapi, bawang bombay kang wis dimasak karo kecap asin lan gula. Supaya ben sedhep, ing dhuwure ditawuri asinan jahe (benishōga), campuran rempah lan lombok kang diarani shichimi, utawa diwènèhi endhog pitik mentah miturut selera.

Gyūdon

Gyūdon
Panggonan asal	Jepang
Woworan pokok	Daging sapi
Buku masakan: Gyūdon  Médhia: Gyūdon

Gyūdon asalé saka panganan kang diarani Sukiyakidon (sukiyaki donburi), mula asring tinemu gyudon kang diwènèhi shirataki kaya déné sukiyaki. Masakan Gyudon wis wiwit ana wiwit jaman Meiji.

Sajarah

Ing jaman Meiji wis wiwit ana cikal bakale gyūdon kang diarani Gyumeshi, iku wujud sega putih samangkuk ing dhuwure diwènèhi irisan daging turahan Gyūnabe (daging sapi yang dimasak dengan kecap asin dan gula). Nalika iku, wong Jepang asring krungu wong asing ngundang asune, "Come (here)", nanging miturut keprungune wong Jepang, "come" keprungu kaya "kame" lan wong asing iku kanyana lagi ngundang asu kang jenenge Kame. Saka asu kang jenenge Kame jaréné lair sesebutan Kamechabu, chabu (panganan) kanggo si Kame wujud sega kang dicampur turahan Gyūnabe kang ora entek didhahar.

Restoran siyap saji Yoshinoya kang mbuka cabang kanthi sistem waralaba misuwurake gyūdon minangka panganan rakyat ing tengahan taun 1970-an. Panganan kang arep padha uga disajekake kanthi jeneng Gyūmeshi déning restoran waralaba liyané, kayat Yōrōnotaki, Matsuya, Sukiya lan Kōbe Ranputei.

Ing tanggal 11 Fèbruari 2004, Yoshinoya lan restoran gyūdon liyané kapeksa ora ngadol gyūdon manèh amarga kuwatir daging sapi saka Amérikah Sarékat kacemar lelara sapi gila. Parlemèn Jepang ngupaya nekakake manèh daging sapi saka Amérika wiwit sasi Mèi 2005, nanging nembé bisa ngimpor ing wulan Januari 2006.

Ing tanggal 18 September 2006, Yoshinoya ngadol Gyūdon manèh mung sadina thok, iku waé kanthi porsi kang diwatesi (1 yuta porsi kanthi jatah 1.000 porsi per restoran).

Serba-Serbi

Ing Jepang, ana rong istilah penyajian gyūdon ing restoran Yoshinoya: Tsuyudaku lan Negidaku. Tsuyudaku tegesé sega kang diwènèhi duduh daging kang akèh, déné Negidaku tegesé sega kang diwènèhi bawang bombay kang akèh.

Pranala njaba

• Yoshinoya America
• Everyday Japanese Cooking

Cathetan sikil

Wikibooks

Wikibooks gadhah buku kanthi sesirah

Gyudon