Pratélan Abang IUCN
IUCN Red List of Threatened Species utawa dicekak IUCN Red List iku pratélan sing mbahas status konsèrvasi manéka jinis makluk urip kaya kéwan lan tetuwuhan sing diwetokaké déning IUCN (International Union for the Conservation of Nature and Natural Resources, Serikat Antarbangsa tumrap Konsèrvasi Alam). Pratélan iki diwetokaké sepisanan ing taun 1948 lan minangka paugeran paling mrebawani ngenani status kaanekaragaman hayati.
IUCN Red List ngukuhaké kritéria kanggo évaluasi status kalangkaan sawiji spésies. Kritéria iki rélevan tumrap kabèh spésies ing saindhenging donya. Angkahé kanggo ngélikaké wigatiné masalah konsèrvasi marang publik lan sing gawé kawicaksanan kanggo nulung komunitas internasional sajeroning ndandani status kelangkaan spésies. Spesies diklasifikasi sajeroning sangang golongan, diatur miturut kritéria-kritéria kaya ta gunggung populasi, panyebaran géografi lan risiko kapunahan, ing ngisor iki.
- "Spesies cures" (Extinct; EX)
- "Spesies cures ing alam bébas" (Extinct in the Wild; EW)
- "Spesies kritis" (Critically Endangered; CR)
- "Spesies sajeroning bebaya cures" (Endangered; EN)
- "Spesies sajeroning kaanan mutawatiri" (Vulnerable; VU)
- "Spesies kaancam bebaya cures" (Near Threatened; NT)
- "Spesies sajeroning kaanan kurang aman" (Least Concern; LC)
- "Informasi kurang" (Data Deficient; DD)
- "Ora diévaluasi" (Not Evaluated; NE)
Status konsèrvasi mau ing dhuwur, kajaba Not Evaluated (NE), dianggo ing Wikipedia.