Iris Barry
Iris Barry (1895 – 1969) inggih punika salah satunggalipun juru kritik filem lan kurator saking Inggris-Amérikah Sarékat. Ing dasawarsa 1920-an piyambakipun ndhèrèk njumenengaken London Film Society, ingkang dados dhepartemèn kurator filem kaping pisan ing Museum of Modern Art New York taun 1935.[1].
| Iris Barry | |
|---|---|
 | |
| Lair | Iris Sylvia Crump 1895 Washwood Heath |
| Pati | Dhésèmber 22, 1969 |
| Bangsa | British; American |
| Pakaryan | Juru kritik filem |
| Kondhang ing | Kurator Museum of Modern Art |
Latar wingking
besutBarry ingkang gadhah asma asli Iris Sylvia Crump, miyos wonten Washwood Heath dhistrik Birmingham, Inggris. Piyambakipun punika putri saking Alfred Charles Crump lan Annie Crump. Barry nglampahi pawiyatan wonten ing Biara The Ursuline Verviers, Bèlgi.[2] Lajeng pindhah dhateng London ing taun 1916 utawi 1917, ing mriku piyambakipun pinanggih kaliyan Ezra Pound. Barry gadhah kalih momongan saking Wyndham Lewis, ingkang miyos ing taun 1919 (putera) lan 1920 (puteri).[2]
Piyambakipun wiwit ngintun pakaryan awujud kritik filem wonten ing The Spectator taun 1923, lan nampi pedamelan minangka juru warta ing Daily Mail antawisipun taun 1925 dumugi 1930, nalika pindhah dhateng Amérikah Sarékat.[2] Sesémahanipun kaliyan Alan Porter mboten mlampah dangu.[2]
Filem Society kaping pisan dipunjumenengaken ing wulan Oktober 1925; piyambakipun salah satunggalipun ingkang ndhèrèk njumenengaken, sesarengan juragan gedhong biyoskup Sidney Bernstein, sutradara Adrian Brunel, Ivor Montagu, lan sesami juru kritik filem Walter Microsoft.[3][4].
Piyambakipun saestu misuwur minangka kurator ing Museum of Modern Art, ingkang wiwit jumemeng ing taun 1929. Sasampunipun dumugi Amérikah Sarékat ing taun 1930, piyambakipun mandhégani jumenengipun dhepartemèn kajian filem ing taun 1932,[2] kanthi migunakaken arsip saking filem-filem awis, buku kapustakan babagan filem, lan program pangeduman filem. Piyambakipun ugi nyimpen filem. Salajengipun Barry dados warga Amérikah Sarékat ing taun, 1941, sesémahan kaliyan John E. Abbott.
Barry nyerat buku buku populèr kanggé filem-filem ingkang saweg dipundamel, sesirah Let's Go to the Pictures (1926) lan babagan ilmuwan klasik D. W. Griffith: American Film Master (1940). Barry ugi asring nyerat prakawis buku wonten ing New York Herald Tribune.
Taun 1949, piyambakipun nampi Chevalier Legion of Honor[2] saking pamaréntah Perancis amarga kaprigelanipun lan pangabektènipun ing jagat filem. Barry tilar donya ing surya 22 Dhésèmber 1969, ing Marseilles.[2]
Karya
besut- Splashing into society. London: Constable, 1923
- Let's Go to the Movies (pdf via Internet Archive)
- D. W. Griffith: American Film Master. Museum of Modern Art. 1 January 2002. ISBN 978-0-87070-683-7. Dibukak ing 24 June 2013.
- American Library Association; Iris Barry; Warner Bros. Pictures(1923-1967) (1946). The motion picture: a selected booklist. Dibukak ing 24 June 2013.
Sumber sanèsipun
besut- Sitton, Robert (2014). Lady in the Dark: Iris Barry and the Art of Film. ISBN 9780231165785.
Rujukan
besut- ↑ Screenonline: Film Society
- ↑ a b c d e f g Barbara Sicherman; Carol Hurd Green (January 1980). Notable American Women: The Modern Period: a Biographical Dictionary. Harvard University Press. kc. 56–58. ISBN 978-0-674-62733-8. Dibukak ing 24 June 2013.
- ↑ Oxford DDNB: Adrian Brunel
- ↑ Screenonline:Walter Mycroft
Pranala njawi
besut- Iris Barry at British Film Institute website
- "Iris Barry: Re-View", MoMA
- "Barry, Iris (1895–1969)" in Butler, Ed., Connie (2010). Modern Women: Women Artists at the Museum of Modern Art. New York: Museum of Modern Art. ISBN 9780870707711.
| Artikel iki minangka artikel rintisan. Kowé bisa ngéwangi Wikipédia ngembangaké. |