Isoflavonoid ya iku senyawa 15 karbon kang memper flavonoid nanging cincin B ing isoflavonoid tumemplek ing atom karbon posisi kaping telu ing ali-ali karbon ing tengah.[1][2] Isoflavonoid mligi ana ing anggota subfamili kacang-kacangan ya iku Papilionoideae tuladhané kacang kedele (Glycine max) utawa semanggi (Trifolium spp).[2]

Struktur umum isoflavonoid, cincin karbon (benzena) paling tengen (cincin B) kaiket ing atom karbon ing posisi kaping telu
struktur molekul isoflavan

Fungsi besut

Fungsi isoflavonoid akèh-akèhé durung ana kang ngerti, nanging ana kang minangka zat alelokimia.[1] Tuladhané, rotenon, isoflavonoid saka oyot tuba (Derris ellipica), akèh digunakaké minangka insektisida (senyawa pambasmi gegremet).[1] Saliyané iku rumus bangun isoflavonoid memper karo hormon estrogen kéwan, tuladhané estradiol, lan isoflavonoid tuwuhan tinamtu nyebabake kemandulan ing ternak wadon, kususe wedhus gibas.[1] Semanggi ngisor-lemah ngurugi isoflavonoid kanthi cacah kang akèh banget.[1] Senyawa iki nyebabake "lelara semanggi" kang racaké ing wedhus gibas, kawiwitan kacathet ing Australia Barat ing taun 1960-an kanthi sudane tingkat kasuburan.[1] Isoflavonoid uga diprediksekake minangka faktor kang ngendhalekake populasi kéwan pangerat ing pirang-pirang wewengkon tinamtu.[1]

Uga delengen besut

Cathetan suku besut

  1. a b c d e f g Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:152. ISBN 979-8591-27-5
  2. a b Crozier A, Clifford MN, Ashihara H. 2006. Plant Secondary Metabolites: Occurrence, Structure and Role in the Human Diet. Oxford: Blackwell Publishing Ltd. Hal: 9. ISBN 978-1-4051-2509-3

Cithakan:Flavonoid Cithakan:Isoflavonoid