Itje Trisnawati
Itje Trisnawati (miyos ing Tasikmalaya, Jawa Kulon lair 27 Maret 1963; umur 61 taun).[1] Itje Trisnawati punika salah setunggaling penyanyi dhangdhut Indonésia.[1] Itje punika ugi dados mantan garwanipun présènter "Aneka Ria Safari" saha pelawak ingkang namanipun Eddy Sud.[1] Itje naté nembangaken lagu hits kanthi irah-irahan Duh Engkang wonten ing éra 1980-an.[1] Itje lajeng palakrami malih kaliyan garwanipun ingkang kaping kalih ingkang namanipun Agung Indra Permana Sarwono.[1] Nanging garwanipun punika ugi tilar donya nalika taun 2007.[1]
| Itje Trisnawati | |
|---|---|
 | |
| Latar wuri | |
| Lair | Maret 27, 1963 Tasikmalaya, Jawi Kilèn, Indonésia
|
| Pakaryan | aktris |
| Pasangan | Eddy Sud (pegatan) Agung Indra Permana Sarwono |
Itje miwiti karir nalika taun 1979.[1] Itje Trisnawati lajeng langkung misuwur malih nalika kepanggih Eddy Sud, Koordinator Artis Safari ingkang misuwur ndamel suksèsing para artis.[2] Karir Itje sangsaya saé nalika Itje palakrami kaliyan Eddy Sud.[1] Album-album Itje laris ing pasaran.[1] Déné lagu-lagu ingkang dipuntembangaken Itje kados ta lagu kanthi irah-irahan "Diam-Diam Mesra" ingkang diripta Pompi nalika taun 1982, "Dibelai" ingkang dipundamel Muchtar B nalika taun 1983, "Duh...Engkang" riptaanipun Muchtar B (1989), "Madu Merah" riptaanipun Muchtar B (1990), "Lenggang Kangkung" riptaanipun Muchtar B (1992), "Aku Cinta Padamu" riptaanipun (Alm.) Latief Khan (1995), "Satu Malam" riptaanipun Muchtar B (1995), "Singgasana Cinta" riptaanipun Yudhi Hana (1996), "Réyog Ponorogo" riptaanipun Hendro Saky (2001), saha sanès-sanèsipun.[1]
Nanging kasuksèsan karir boten imbang kaliyan kasuksèsanipun yasa rumah tangga.[1] Sasampunipun kirang langkung 23 taun palakrami, Itje lajeng pegatan kaliyan Eddy Sud. Kamangka nalika samanten, Itje sampun patutan cacahipun kalih saking palakraminipun kaliyan Eddy Sud.[1] Putra punika namanipun Eka Sutrisna saha Ety Suryawati.[1] Sasampunipun pegatan Itje lajeng palakrami malih kaliyan Agung Sarwono, salah setunggaling pengusaha ingkang gadhah show room mobil.[1] Nanging Agung lajeng séda amargi kénging lelara jantung.[1]
Cathetan suku
besut
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |