Itji Tarmizi
Itji Tarmizi (wiyos ing Désa Tepi Selo, Lintau, Batu Sangkar, Sumatra Barat, 21 Juli 1939-lajeng séda ing Jakarta, 27 November 2001 kanthi yuswa 62 taun) punika satunggaling tokoh seniman seni rupa Indonésia[1].
| Itji Tarmizi | |
|---|---|
 Sketsa Itji Tarmizi | |
| Lair | 21 Juli 1939 Désa Tepi Selo, Lintau, Tanah Datar, Sumatera Barat, Hindia Nèderlan |
| Pati | Novèmber 27, 2001 (umur 62) Jakarta |
| Bangsa | Indonésia |
| Pakaryan | Pelukis |
Karir
besutItji Tarmizi sinau nglukis kathi otodidak dumugi taun 1953. Lajeng Itji Tarmizi ndhèrèk gabung ing Sanggar Pelukis Rakyat sesarengan kaliyan pelukis sanèsipun kados ta Hendra Gunawan, Affandi, Soedjojono, Trubus, Permadi Leosta, lan Tatang Ganar[2].
Nalika éra taun 1950-an dumugi pungkasan taun 1960-an, wonten ing kalangan seniman Indonésia Itji Tarmizi kawéntar amargi karya-karyanipun ingkang ngangkat pagesangan padintenan masarakat. Itji Tarmizi ugi ndhèrèk ing Sanggar Bumi Tarung. Itji Tarmizi naté boten lulus saking Sekolah Rakyat, nanging naté ugi ketampi dados mahasiswa luar biyasa Akademi Seni Rupa Indonésia (ASRI), Yogyakarta. Soekarno punika salah satunggaling tokoh ingkang ngolèksi karya lukis Itji Tarmizi kados satunggal karyanipun ingkang fenomenal inggih punika Lelang Ikan (1958-1960) [1][2].
Lukisan Itji Tarmizi punika kanthi aliran realisme-sosialis. Pilihan proyek lukisanipun dipunanggep saged nyulihi gesangipun rakyat ing padintenan. Karya-karya Itji Tarmizi sanès seni ingkang berteriak lantang nuntut éwah-éwahan nanging kaéndahan fisik ingkang dados faktor utama ing krarya-karyanipun [1]. Ugi kalebet salah satunggaling pelukis ing jaman orde lama periode 1950-1960-an, kala punika ing masa mau nembé wonten sosialisme ingkang ramé. Tragèdi ing taun 1965 saged damel Itji Tarmizi minangka anggota Pelukis Rakyat lan Sanggar Bumi Tarung kesah lan ngilang saing donyaning seni rupa nalika masa papréntahan Orde Baru. Trauma pulitik lan kasaring papréntahan Orde Baru ingkang damel Itji Tarmizi ngurung awakipun piyambak wonten ing kampungipun. Sasampunipun éra reformasi, Itji Tarmizi kondur malih dhateng Jakarta lan kondur ing donyaning seni rupa[2].
Pelukis Itji Tramizi punika séda ing Jakarta, tanggal 27 November 2001 lan dipunmakamaken wonten ing TPU Pondok Kelapa, pas kaliyan pameran tunggal kan pungkasanipun nembé dipunsiapaken [2].
Pendidikan dan Kegiatan
besut- Otodidak.
- Mahasiswa Luar Biyasa Akademi Seni Rupa Indonésia (ASRI), Yogyakarta.
- Sanggar Pelukis Rakyat sesarengan kaliyan pelukis Hendra Gunawan, Affandi, Soedjojono, Trubus, Permadi Leosta, lan Tatang Ganar
- Sanggar Bumi Tarung.