Jajangmyeon

Jajangmyeon (atau jjajangmyeon) kalebu jinising olah-olahan Koréa ya iku mi saus pasta kacang kedhelé ireng. Jajangmyeon kena prabawa olahan kulinèr Tionghoa. Ing Tiongkok, olahan iki sinebut Zhajiangmian (炸醬麵). Jajang iku saos gorèng, lan myeon iku mi.

Jajangmyeon
240px|Jajangmyeon
Jeneng Koréa
Hangul 자장면 Hanja 炸醬麵 Alih aksara Anyar Jajangmyeon McCune- Reischauer Chajangmyŏn

Jajangmyeon (jjajangmyeon)

Komposisi

Mi

Jajangmyeon nggunakaké mi kandel kang digawé saka glepung gandum.

Saos

Saos jajangmyeon digawé saka pasta kacang kedhelé ireng, sinebut chunjang (hangul: 춘장; hanja: 春醬) kang ditambahi brambang dirajang, zucchini lan daging utawa iwak-iwakan laut. Nalika ngolah saos racaké ditambahi cornstarch (salah sawijining pati kang digawé saka jagung) kang marai kenthel. Pasta kacang kedhelé (chunjang) digawé saka dhelé kang disangan. Mula, jajang tegesé saos kang digorèng, sanajan saos kang dimasak nganggo cara digodhog. 

Variasi

Jajangmyeon duwé variasi liya kaya ganjajangmyeon (간자장면) utawa jajangmyeon kang saosé ora dicampur. Variasi liyané uga samseon jajangmyeon (삼선자장면) kang saosé nganggo campuran panganan laut contoné teripang, nus dan udang, nanging ora tau nggunakaké iwak laut. Nanging, Samseon ganjajangmyeon(삼선간자장면) komposisiné digawé saka mi nganggo saos kang isiné panganan laut nanging ora dicampur karo mi.

Wong Koréa ora biyasa ngarani myeon, nanging cendhaké waé kaya jajang, ganjajang, samseon jajang atau samseon ganjajang.

Jinising panganan liya kang migunakaké saos jajang ya iku jajangbap kang digawé saka saos jajang kang dicampur karo sega. Biasané wong Koréa nyampur karo nasi goreng kang sinebut bokeumbap. Biasané, uga ana panganan tambahan jenengé danmuji (lobak cina).

Sajarah

Jajangmyeon sajatiné panganan tradhisional saka Tionghoa (wewengkon Beijing) sinebut zhajiangmian, nanging duwé rasa kang bédha saka jajangmyeon saka Koréa.

Ing Beijing, jajangmyeon asli disajikaké nganggo saos kang manéka warna, migunakaké daging babi, ora kaya nalika ing Koréa kang migunakaké manéka warna bahan saka njero sagara. Jajangmyeon lan zhajiangmian uga duwé komposisi saos kang arep padha, nanging saos jajangmyeon luwih kenthel lan luwih ireng.

Trivia

• Ing Koréa, wong-wong skang durung duwé pasangan, dhahar jajangmyeon ing dina Black Day.
• Regané Jajangmyeon ora larang banget. Biasané papan panganan ing nagara Koréa Kidul duwé layanan pesen-ngeteraké. Regané kira-kira 3.500 won (kira-kira US$ 3.50).
• Sajian loro jinis jajangmyeon ing sak mangkok sinebut jajang gobbaegi (자장 곱빼기).
• Wong Koréa, Kim Jae-hyun, kaloka amarga dhèwèké saguh mangan mung jajangmyeon ing 5 taun (1970-1975) lan kaloka dadi simbol Jajangmyeon ing Koréa.