Jakhnun
Jakhnun (Ibrani ג'חנון, alihaksara basa Inggris Jachnun) iku sawijining panganan Israèl sing digawé saka jladrèn tipis sing digulung. Jakhnun asliné digawé déning wong Yahudi Yaman. Panganan iki dimasak mawa geni cilik kanggo sepuluh jam. Jladrèn iki digelar tipis lan banjur digulung, mèmper roti-rotinan sing ngembang.[1] Banjur warnané dadi soklat tuwa lan ndarbèni rasa rada legi. Lumrahé disajèkaké mawa saus tomat, endhog godhog lan skhug, sajenising sambel. Bahan kanggo nggawé jakhnun iku mèmper kanggo nggawé malawakh.
Jakhnun iku disajèkaké déning wong Israèl ing dina Sabat ésuk, sawisé dienengaké ing oven mawa geni cilik sawengi.[2] Miturut undhang-undhang Agama Yahudi, para penganuté ora olèh nyumet geni utawa masak ing dina Sabat.
Jakhnun iku asalé saka Yaman lan saiki wis populèr saindhenging Israèl lan dipangan déning kabèh kelompok ètnik. Jakhnun ès-èsan uga didol ing supermarket kanggo wong-wong praktis sing ora usah nggulung jladrènan iki.
Cathetan suku
besut- ↑ http://kosherfood.about.com/od/kosherbreadrecipes/Kosher_Bread_Recipes.htm , diaksès tanggal 7 Agustus 2011
- ↑ http://www.gojerusalem.com/discover/item_503/Jachnun-Bar , diakses tanggal 7 Agustus 2011