James Monroe

James Monroe (lair ing Westmoreland County, Virginia, 28 April 1758 – pati ing New York, New York, 4 Juli 1831 ing umur 73 taun) ya iku Présidhèn Amérikah Sarékat kang kaping lima lan njabat kaping loro période kaprésidhènan ya iku antarané taun 1817 nganti tekan 1825. Jeneng Monroe dadi misuwur amarga doktriné kang dijenengi Doktrin Monroe, ya iku Monroe nyatakaké yèn bawana Amérika ora olèh dijajah manèh déning nagara-nagara saka Éropah. Nalika jaman Présidhèn Monroe, kamakmuran ana ing nagara iki, ya iku période perdamaian ing gayutan manca nagara. Monroe ngetokaké pesen présidhèn nalika taun 1823, Amérikah Sarékat metu saka masalah Éropah lan kawicaksanan ing Amérika lan Éropah nuduhaké yèn penutupan bisa mangaruhi.

James Monroe
Présidhèn Amérikah Sarékat ka-5
Linggih 4 Maret 1817 – 4 Maret 1825
Wakil Présidhèn	Daniel D. Tompkins
Kang sadurungé	James Madison
Kang sawisé	John Quincy Adams
Rerincèn dhiri
Lair	28 April 1758 Westmoreland County, Virginia
Pati	Juli 4, 1831(1831-07-04) (umur 73) New York, New York
Bangsa	Amérika
Parté pulitik	Républiken-Dhémokrat
Sisihan	Elizabeth Kortright Monroe
Panggaota	Petani
Agama	nominal Episkopal [1]
Tandha tangan

Mangsa kaprésidhènan

James Monroe kapilih dadi présidhèn nalika taun 1817. Monroe mèlu dadi anggota ana ing Parte Dhémokratik-Républikan. Nalika njabat présidhèn wakilé ya iku Daniel D. Tompkins.

Monroe miwiti pamaréntahané kanthi mbentuk salah siji kabinèt paling kuwat ing sajarah A.S. Dhèwèké nyingkiraké rasa kalaladanan nalika milih anggota-anggota ing kabinèté. Kasil gedhé dhéwé saka pamaréntahan James Monroe ya iku ana ing urusan manca nagara. Wiwit pisanan dhèwèké duwé rasa simpati marang obahan kamardikan ing praja jajahan Spanyol ing bawana Amérika lan péngin sacepeté awèh pangakonan marang nagara-nagara anyar mau, nanging prakara mau katundha, amarga nalika iku Amérikah Sarékat lagi nglakokaké perundhingan karo Spanyol ngenani wewengkon Florida lan dhèwèké péngin yèn perundhingan iki gagal.