Jeongseon
Jeongseon (정선군) inggih punika satunggaling kabupatèn ingkang wonten ing provinsi Gangwon, Koréa Kidul.[1] Dhaérah punika mapan wonten ing pagunungan mawi pucuk ingkang inggil lan kalebet asal saking tembang Jeongseon Arirang, inggih punika salah satunggaling varian Arirang.[2]
Stereotipe kala rumiyin
besutKala rumiyin, Jeongseon punika kondhang minangka papan ingkang manawi wonten tiyang ingkang dugi ing mriku kanthi nangis lan bilih nilaraken papan punika ugi nangis.[1] Nate wonten satunggaling bupati ingkang dipunparingi tugas ing papan mau, piyambakipun banjur nangis amargi kedah gesang wonten ing papan ingkang pelosok sanget. Nanging sansaya dangu, piyambakipun lajeng malah dados kerasan amargi kaendahan alam lan pendudukipun ingkang sumeh. Bibar mangsa tugasipun rampung, piyambakipun kedah nilaraken Jeongseon kanthi netesaken luh (air mata).[1]
Alam lan objèk pariwisata
besutKawontenan géografis Jeongseon punika dipuntandhani kanthi kathah gunung ing sanginggilipun 1000 mèter, salah satunggalipun punika Gariwangsan (Gunung Gariwang) kanthi dhuwur 1561 mèter.[1] Ilinging toya saking gunung-gunung mau dados satunggal lan ndhapuk KaliDong (Donggang) utawi nama sanèsipun punika Kali Joyang.[1] Kali Dong mili dhateng wewengkon Kabupatèn Yeongwol lan muaranipun wonten ing Kali Namhan (Namhangang).[1] Kali punika kalebet salah satunggaling objèk pariwisata Jeongseon ingkang kathah piyambak para wisatawan ingkang dugi ing mriki.
Auraji
besutAuraji punika patemon antawisipun ilining Kali Song (Songcheon) lan Kali Golji (Goljicheon).[1] Ing mangsa rumiyin, titik punika kalebet mandegan rakit-rakit ingkang mbeta kayu tumuju Kutha Seoul, kanthi liwat Kali Namhan.[1]
Papan Pariwisata sanès
besut- Hwaamgul (Guwa Hwaam), guwa kanthi grojogan guwa ingkang paling inggil ing Asia (28 mèter) sarta stalaktit-stalaktit alam.[3] Guwa punika rumiyinipun dados tambang emas ingkang kelampahan saking taun 1922 dumugi taun 1945.[3]
- Morundae, punika satunggaling pucuk watu karang ingkang ateges “papan méga (awan) makempal”.[1] Watu punika rumiyinipun dados papan kanggé pados inspirasi kanggé para juru gurit amargi kawontenanipun ingkang sepi lan papanipun inggil sanget kados-kados méga-méga ngliwati papan punika.[1]
- Jeongamsa (Kuil Jeongam), kuil Buda ingkang jumeneng ing mangsa pamaréntahan Ratu Seondeok saking kraton Silla.[1] Ing kuil punika, mliginipun ing pagoda watu Sumano nyimpen waja saking relik Buda (sarira). Pérangan punika ndadosaken salah satunggal saking 5 kuil Buda ing Koréa ingkang dipunpitadosi nyimpen relik Buda. Pagoda Sumano ingkang dipunjagi minangka Harta Nagara Nomor 410, gadhah 7 tingkat lan kasusun saking watu bata.[1] Pohon Yew ingkang mapan wonten ing Aula Jeongmyeolbogung (yasan utami kuil) dipuntandur déning Biksu Jajangyulsa kirang langkung 1300 taun kepengker.[1]
Cathetan suku
besut| Wikimedia Commons duwé médhia ngenani Category:Jeongseon, Gangwon-do. |
- ↑ a b c d e f g h i j k l m Lee Yong-han (2008). "Jeongseon's Natural Beauty Endures the Passage of Time" (PDF). Koreana. 22 (4).
{{cite journal}}: Unknown parameter|month=ignored (pitulung)[pranala mati permanèn] - ↑ Jeongseon Arirang Festival, visitkorea.
- ↑ a b Hwaam Cave, visitkorea.